Huye: Abibumbiye mu itsinda ‘Akabando k’izabukuru’ barasaba leta kubatera inkunga!

Abari mu kiruhuko cy'izabukuru bo mu Murenge wa Tumba bakora umwuga w'ubuvumvu no guhinga ibihumyo barasaba ko bafashwa kongera imizinga ku buryo mu bihe biri imbere bagira isoko ryagutse. Ubuyobozi bw'Akarere bubasaba kwibumbira muri koperative, bagakora umushinga nuko banki zikabaha inguzanyo cyangwa bagaterwa inkunga.

kwamamaza

 

Abageze mu zabukuru bo mu Murenge wa Tumba, bibumbiye mu itsinda ryitwa Akabando k'izabukuru, bavuga ko bafashe ku bwizigame bwabo bahabwa na RSSB bakegeranya ubushobozi kugira ngo batangire ubuhinzi bw'ibihumyo ndetse n'umwuga w'ubuvumvu. Aba bavuga ko babona hari intambwe bagenda batera.

Bavuga ko bifuza guterwa inkunga kugira ngo bongere imigina y'ibihumyo bafite hamwe n'imizinga yabo ku buryo mu bihe biri imbere bagira n'uruganda rwongerera agaciro ibyo bakora.

Umwe muribo waganiriye n’Isango Star, yagize ati: “Twasaba igishoro n’inkunga nuko tukongera imbaraga mu mikorere yacu. Tukongera imizinga...mbese umusaruro wacu ukiyongera.”

Undi ati: “ turashaka kwagura kugira ngo duhinge ibihumyo mu murima mugari, tubone n’isoko ryaho kujyana umusaruro wacu.”

“mfite ibyifuzo by’uko twakomeza tugatera imbere, bakaba batugoboka, bagakomeza kudufasha ku buryo natwe twagira icyo tugeraho. Baduhaye ku mafaranga tukongera iriya mizinga, tukareba n’ikindi twongeramo atari imizinga kuko iratinda.”

Ange SEBUTEGE; umuyobozi bw'Akarere ka Huye, avuga ko aba bageze mu zabukuru bakwiye kubanza kwibumbira muri koperative, bagakora umushinga washyikirizwa banki zikabaha inguzanyo. Gusa anavuga ko inkunga ibafasha kugera ku nzozi zabo.

Ati: “Ni igikorwa cyiza n’abandi bakiri mu kazi tubashishikariza gukora iyo mishinga ariko by’umwihariko na gahunda ya Ejo Heza. Iyo abantu banizigama birafasha no mu gihe cy’izabukuru bagiye gukora iyo mishinga kuburyo nanone ariya mafaranga y’ubwizigame anabafasha gukomeza ibikorwa byo kwiteza imbere.”

“ inama tubagira ni uko bakora koperative yanditswe mu buryo bwemewe n’amategeko. Rero koperative ziba zifite ubuzima gatozi zisaba gukorana n’ibigo by’imari ku buryo umushinga wabo watera imbere.”

“ bakwandikisha koperative yabo, hanyuma bagakora umushinga. Amafaranga muri za bank, by’umwihariko y’ubuhinzi, nubwo usanga n’ubworozi birajyana usanga bifite igiciro gitoya cy’inyungu. Ayo ni amahirwe bashobora kubyazamo umusaruro...ariko ni ugushima ko babikora kuko birabafasha.”

Sebutege avuga ko n’abakiri mu kazi babashishikariza gukora iyo mishinga ndetse no kwitabira gahunda z’ubwizigame kuko bibafasha gukora imishinga igihe bageze mu kiruhuko cy’izabukuru.

“ iyo bageze mu zabukuru bageze igihe cyo gukora iyo mishinga kuburyo ariya mafaranga y’ubwizigame abafasha gukomeza ibikorwa byo kwiteza imbere.”

Kugeza ubu, itsinda ‘Akabando k'izabukuru’ ryo muri uyu Murenge wa Tumba, rigizwe n'abanyamuryango 20 gusa.

@ RUKUNDO Emmanuel/Isango Star-Huye.

 

kwamamaza

Huye: Abibumbiye mu itsinda ‘Akabando k’izabukuru’ barasaba leta kubatera inkunga!

 Oct 5, 2023 - 20:16

Abari mu kiruhuko cy'izabukuru bo mu Murenge wa Tumba bakora umwuga w'ubuvumvu no guhinga ibihumyo barasaba ko bafashwa kongera imizinga ku buryo mu bihe biri imbere bagira isoko ryagutse. Ubuyobozi bw'Akarere bubasaba kwibumbira muri koperative, bagakora umushinga nuko banki zikabaha inguzanyo cyangwa bagaterwa inkunga.

kwamamaza

Abageze mu zabukuru bo mu Murenge wa Tumba, bibumbiye mu itsinda ryitwa Akabando k'izabukuru, bavuga ko bafashe ku bwizigame bwabo bahabwa na RSSB bakegeranya ubushobozi kugira ngo batangire ubuhinzi bw'ibihumyo ndetse n'umwuga w'ubuvumvu. Aba bavuga ko babona hari intambwe bagenda batera.

Bavuga ko bifuza guterwa inkunga kugira ngo bongere imigina y'ibihumyo bafite hamwe n'imizinga yabo ku buryo mu bihe biri imbere bagira n'uruganda rwongerera agaciro ibyo bakora.

Umwe muribo waganiriye n’Isango Star, yagize ati: “Twasaba igishoro n’inkunga nuko tukongera imbaraga mu mikorere yacu. Tukongera imizinga...mbese umusaruro wacu ukiyongera.”

Undi ati: “ turashaka kwagura kugira ngo duhinge ibihumyo mu murima mugari, tubone n’isoko ryaho kujyana umusaruro wacu.”

“mfite ibyifuzo by’uko twakomeza tugatera imbere, bakaba batugoboka, bagakomeza kudufasha ku buryo natwe twagira icyo tugeraho. Baduhaye ku mafaranga tukongera iriya mizinga, tukareba n’ikindi twongeramo atari imizinga kuko iratinda.”

Ange SEBUTEGE; umuyobozi bw'Akarere ka Huye, avuga ko aba bageze mu zabukuru bakwiye kubanza kwibumbira muri koperative, bagakora umushinga washyikirizwa banki zikabaha inguzanyo. Gusa anavuga ko inkunga ibafasha kugera ku nzozi zabo.

Ati: “Ni igikorwa cyiza n’abandi bakiri mu kazi tubashishikariza gukora iyo mishinga ariko by’umwihariko na gahunda ya Ejo Heza. Iyo abantu banizigama birafasha no mu gihe cy’izabukuru bagiye gukora iyo mishinga kuburyo nanone ariya mafaranga y’ubwizigame anabafasha gukomeza ibikorwa byo kwiteza imbere.”

“ inama tubagira ni uko bakora koperative yanditswe mu buryo bwemewe n’amategeko. Rero koperative ziba zifite ubuzima gatozi zisaba gukorana n’ibigo by’imari ku buryo umushinga wabo watera imbere.”

“ bakwandikisha koperative yabo, hanyuma bagakora umushinga. Amafaranga muri za bank, by’umwihariko y’ubuhinzi, nubwo usanga n’ubworozi birajyana usanga bifite igiciro gitoya cy’inyungu. Ayo ni amahirwe bashobora kubyazamo umusaruro...ariko ni ugushima ko babikora kuko birabafasha.”

Sebutege avuga ko n’abakiri mu kazi babashishikariza gukora iyo mishinga ndetse no kwitabira gahunda z’ubwizigame kuko bibafasha gukora imishinga igihe bageze mu kiruhuko cy’izabukuru.

“ iyo bageze mu zabukuru bageze igihe cyo gukora iyo mishinga kuburyo ariya mafaranga y’ubwizigame abafasha gukomeza ibikorwa byo kwiteza imbere.”

Kugeza ubu, itsinda ‘Akabando k'izabukuru’ ryo muri uyu Murenge wa Tumba, rigizwe n'abanyamuryango 20 gusa.

@ RUKUNDO Emmanuel/Isango Star-Huye.

kwamamaza