Burera: Ntibabona amazi meza kandi bafite amavomo bagerejwe

Burera: Ntibabona amazi meza kandi bafite amavomo bagerejwe

Abaturage bo mu mirenge ya Ruhunde na Gatebe baravuga ko barwara indwara ziterwa n’umwanda kubera kuvoma amazi yo bishanga n’ayimvura kandi bari baregerejwe imiyoboro y’amazi meza ariko akaba atagera mu mavomo. Ubuyobozi  bw’akarere burasaba abaturage kuba bihanganye mugihe bagikoresha amazi y’imvura kuko buri gushaka uko bukemura ikibazo cy’amazi adahagije mu karere.

kwamamaza

 

Abaturage bagaragaza ikibazo cyo kutagira amazi meza ni abo mu mirenge ya Gatebe na Ruhunde yo mu karere ka Burera, bavuga ko kubera kuvoma ayo mu bishanga bibatera indwara ziterwa n’umwanda.

Umwe ati: “ ayo tuvoma adutera inzoka cyangwa se tugategereza amarekano akaba ariyo tunywa. (…) ntabwo amazi atugeraho hano, kirazira. Imigezi turayifite ariko nta mazi azamo.”

Undi mubyeyi ati: “ baduhaye amazi ariko tuyabona iyo imvura yaguye kuko nibwo aza mu migezi. Biba ngombwa ko nk’abaturiye urugezi, banywa amazi mabi yo mu rugezi. Ubwo bituma tunarwara kandi byitwa ko muri Gatare harimo amazi.”

Gusa hari n’abaturage bahamya ko n’iyo amazi aje mu migezi, ukwezi gushobora gushira batabonye amazi.

Umwe ati:” amazi tuyabona rimwe na rimwe ndetse n’igihe yaje agapfumukira mu nzira ngo ibihombo byapfumutse. Inaha nta mazi agerayo, n’iyo tuyabonye turabona nka rimwe cyangwa kabiri mu kwezi. Ubwo rero tujya kuvoma mu Rugezi,! Nta kindi wajya gushakayo se? ni inzoka!”

Bavuga ko hari ingaruka baterwa no gukoresha amazi mabi yo mu gishanga cy’urugezi, bahahabwa mazi meza.

Umwe ati: “ nk’ubu turi kuvoma wenda hari uwaba yitumye ku gasozi nuko bikamanuka bikajyamo. Yaba ari nk’ikintu cyapfuye cy’inyamaswa, nabwo tukayavoma. Urumva ko tuvoma microbes nyinshi.”

Undi ati: “turifuza ko namwe abanyamakuru mwatuvuganira nuko bakaza bakaduha umugezi mwiza, bagatanga impombo nziza zizatuyoboraho amazi azatugirira akamaro, ntitujye tuyabura.”

MUKAMANA Soline; Umuyobozi w’akarere ka Burera, avuga ko ikibazo cy’amazi meza kiri muri aka karere bari kugishakira igisubizo. Asaba abaturage kuba bihanganiye gukoresha amazi y’imvura ndetse bakibuka kuyateka kugira ngo bibarinde indwara.

Nimugihe avuga ko ibiteganyijwe ko  bizagenda ku amazi meza bazahabwa byashyizwe mu ngengo y’imari y’uyu mwaka.

Ati: “ Aka niko karere gafite amazi makeya ugereranyije n’utundi turere tugize igihugu. ngira ngo tutagiye Ruhunde na Gatebe ntabwo ariho gusa. Naguha urugero nk’umurenge wa Rugengabare utaragiraga amazi hose ariko ubu amazi yatangiye kugera mu tugali 3 kuri 5.”

“mugihe imvura irimo kugwa bajye bareka amazi ariko bayakoreshe bayatetse kugira ngo nabwoo batayanywa uko biboneye akabatera indwara.”

“ naho ubundi …ugiye kubakwa Ruhunde na Gatebe uzabafasha nuramuka wuzuye kandi ni uyu mwaka.”

Ubusanzwe ikibazo cy’amazi meza adahagije mu karere ka Burera kimaze igihe muri aka gace k’imisozi miremire. Byitezwe ko bizakemurwa n’imiyoboro n’inganda z’amazi biri kugenda byubakwamo. Aha harimo nk’inganda ebyiri biteganyijwe ko zigiye kubakwa muri aka karere, aho rumwe ruzageza amazi meza mu mirenge ya Rusarubuye, Rugengabare, Cyeru ndetse n’umurenge wa  Kinoni.

Binateganyijwe ko mu mirenge ya Ruhunde na Gatebe, hari abafatanyakorwa bari kububaka imiyoboro mishya nayo byitezwe ko izongera amazi yo muri aka karere.

@Emmanuel BIZIMANA/ Isango Star – Burera.

 

 

kwamamaza

Burera: Ntibabona amazi meza kandi bafite amavomo bagerejwe

Burera: Ntibabona amazi meza kandi bafite amavomo bagerejwe

 Apr 3, 2024 - 12:58

Abaturage bo mu mirenge ya Ruhunde na Gatebe baravuga ko barwara indwara ziterwa n’umwanda kubera kuvoma amazi yo bishanga n’ayimvura kandi bari baregerejwe imiyoboro y’amazi meza ariko akaba atagera mu mavomo. Ubuyobozi  bw’akarere burasaba abaturage kuba bihanganye mugihe bagikoresha amazi y’imvura kuko buri gushaka uko bukemura ikibazo cy’amazi adahagije mu karere.

kwamamaza

Abaturage bagaragaza ikibazo cyo kutagira amazi meza ni abo mu mirenge ya Gatebe na Ruhunde yo mu karere ka Burera, bavuga ko kubera kuvoma ayo mu bishanga bibatera indwara ziterwa n’umwanda.

Umwe ati: “ ayo tuvoma adutera inzoka cyangwa se tugategereza amarekano akaba ariyo tunywa. (…) ntabwo amazi atugeraho hano, kirazira. Imigezi turayifite ariko nta mazi azamo.”

Undi mubyeyi ati: “ baduhaye amazi ariko tuyabona iyo imvura yaguye kuko nibwo aza mu migezi. Biba ngombwa ko nk’abaturiye urugezi, banywa amazi mabi yo mu rugezi. Ubwo bituma tunarwara kandi byitwa ko muri Gatare harimo amazi.”

Gusa hari n’abaturage bahamya ko n’iyo amazi aje mu migezi, ukwezi gushobora gushira batabonye amazi.

Umwe ati:” amazi tuyabona rimwe na rimwe ndetse n’igihe yaje agapfumukira mu nzira ngo ibihombo byapfumutse. Inaha nta mazi agerayo, n’iyo tuyabonye turabona nka rimwe cyangwa kabiri mu kwezi. Ubwo rero tujya kuvoma mu Rugezi,! Nta kindi wajya gushakayo se? ni inzoka!”

Bavuga ko hari ingaruka baterwa no gukoresha amazi mabi yo mu gishanga cy’urugezi, bahahabwa mazi meza.

Umwe ati: “ nk’ubu turi kuvoma wenda hari uwaba yitumye ku gasozi nuko bikamanuka bikajyamo. Yaba ari nk’ikintu cyapfuye cy’inyamaswa, nabwo tukayavoma. Urumva ko tuvoma microbes nyinshi.”

Undi ati: “turifuza ko namwe abanyamakuru mwatuvuganira nuko bakaza bakaduha umugezi mwiza, bagatanga impombo nziza zizatuyoboraho amazi azatugirira akamaro, ntitujye tuyabura.”

MUKAMANA Soline; Umuyobozi w’akarere ka Burera, avuga ko ikibazo cy’amazi meza kiri muri aka karere bari kugishakira igisubizo. Asaba abaturage kuba bihanganiye gukoresha amazi y’imvura ndetse bakibuka kuyateka kugira ngo bibarinde indwara.

Nimugihe avuga ko ibiteganyijwe ko  bizagenda ku amazi meza bazahabwa byashyizwe mu ngengo y’imari y’uyu mwaka.

Ati: “ Aka niko karere gafite amazi makeya ugereranyije n’utundi turere tugize igihugu. ngira ngo tutagiye Ruhunde na Gatebe ntabwo ariho gusa. Naguha urugero nk’umurenge wa Rugengabare utaragiraga amazi hose ariko ubu amazi yatangiye kugera mu tugali 3 kuri 5.”

“mugihe imvura irimo kugwa bajye bareka amazi ariko bayakoreshe bayatetse kugira ngo nabwoo batayanywa uko biboneye akabatera indwara.”

“ naho ubundi …ugiye kubakwa Ruhunde na Gatebe uzabafasha nuramuka wuzuye kandi ni uyu mwaka.”

Ubusanzwe ikibazo cy’amazi meza adahagije mu karere ka Burera kimaze igihe muri aka gace k’imisozi miremire. Byitezwe ko bizakemurwa n’imiyoboro n’inganda z’amazi biri kugenda byubakwamo. Aha harimo nk’inganda ebyiri biteganyijwe ko zigiye kubakwa muri aka karere, aho rumwe ruzageza amazi meza mu mirenge ya Rusarubuye, Rugengabare, Cyeru ndetse n’umurenge wa  Kinoni.

Binateganyijwe ko mu mirenge ya Ruhunde na Gatebe, hari abafatanyakorwa bari kububaka imiyoboro mishya nayo byitezwe ko izongera amazi yo muri aka karere.

@Emmanuel BIZIMANA/ Isango Star – Burera.

 

kwamamaza