Babangamiwe n’umuriro w’amashanyarazi udahagize utabemerera kuwukoresha mu kwiteza imbere

Babangamiwe n’umuriro w’amashanyarazi udahagize utabemerera kuwukoresha mu kwiteza imbere

Bamwe mu batuye mu duce dutandukanye tw’igihugu bavuga ko babangamiwe n’ikibazo cy’umuriro w’amashanyarazi udahagije. Bavuga ko uba ari muke ku buryo bitabemerera kuwukoresha mu bikorwa by’iterambere bitandukanye. Minisiteri y’ibikorwaremezo (MINIFRA) ivuga ko icyo kibazo kizwi.

kwamamaza

 

Abadepite bagize inteko ishingamategeko y’u Rwanda bavuga ko iki kibazo kigaragara cyane iyo basuye uduce tumwe na tumwe, aho abahatuye bavuga ko babakorera ubuvugizi ku bijyanye n’umuriro w’amashanyarazi baba barahawe ariko ukaba udahagije mu byo bakeneye kuwukoresha.

Umwe yagize ati: “ kuri iriya gahunda yo gukwirakwiza amashanyarazi, hari aho bigenda bigaragara ko hari uduce tumwe na tumwe nubwo baba baradushyizemo amashanyarazi ariko ukabona adahagije. Haba hakorwa iki kugira ngo muri ibyo bice hagende hongerwamo amashanyarazi, ndavuga za transfo.”

Undi ati: “ hari ikibazo nabonye abaturage batugejejeho igihe twabasuraga. Batugaragarije ko amashanyarazi bagiye bagezwaho hari aho ari monophase kuburyo iyo bashatse gukora ibikorwa by’iterambere nko kugira imashini bakoresha kuri ayo mashanyarazi bitabakundira.”

Abaturage bavuga ko ibyo bidindiza ibikorwa by’iterambere kuko muri iyi minsi umuriro w’amashanyarazi wifashishwa mu bikorwa hafi ya byose.

Umwe ati: “ iki kibazo duhura nacyo aho ntuye mu Bwiza, aho umuriro waka ubyina…. Urahari ariko ni mukeya kandi ntabwo wacomekaho ibintu ngo wizere ko… amatara aba agenda akubita, akubita!”

Undi ati: “ biteza ingaruka kuko urabona abantu bari mu bucuruzi cyane cyane bafite ibibazo. Nk’abacomeka za frigo ugasanga ni ikibazo! Bariya bogosha bakoresheje umuriro nabo biba ikibazo….”

“ mbega urahari ariko ntabwo uri ku gipimo gihagije, urasaba ko bongeramo ingufu kugira ngo ugire ingufu tujye tuwukoresha.”

Gusa Dr. Jimmy Gasore; Minisitiri w’ibikorwaremezo, asobanura ko igitera icyo kizwi kandi kigenda kitabwaho kigakemurwa.

Ati: “amashanyarazi adahagije ni mu buryo bw’ibikorwaremezo kuko kuri production umuriro urahari uhagije. Mu buryo bw’ibikorwaremezo, hari aho usanga iterambere ryarihuse kurusha ibyari byarawuteganyirijwe. Usanga nk’ahantu havutse site nsha y’imiturire, mbere hari ubuhinzi, n’ibikorwaremezo byahajyanywe [transformer] kari gatoya. Noneho uko bahatura bihuta n’ibikorwa by’ubucuruzi ugasanga ya ya mashanyarazi ntabwo agihagije.”

“ ingamba nta zindi ni izo kuvugurura. Birakorwa cyane ni uko hari igihe rimwe na rimwe imbaraga zacu ziba zidahura n’ibyo tuba dukeneye gukora. Ni imbaraga z’ubushobozi.”

“ ikindi ni umuriro uba ugenda ukagera kure cyane noneho ugasanga itsinga rimwe [ one bubstation] iri kugeza umuriro ku baturage benshi. nyinshi muri izo aba ari na single phase, kuko ubundi umuriro mwiza amatsinga agenda ari atatu, icyo gihe aba ari urutsinga rumwe rurimo umuriro. Turi muri gahunda yo kubikosora (…) ariko naho amatsinga agenda akagera kure cyane ni nako igenda itakaza imbaraga. Bisaba yuko uhashyira indi transformer yongere izamure umuriro wongere ukwirakwizwe.”

“ ubwo rero ibyo bibazo ni birazwi n’ingamba zirazwi.”

Ubusanzwe muri gahunda ya guverinoma y’u Rwanda [ NST1] , leta yiyemeje mu w’2024, iyi gahunda izarangira abaturage bafite amashanyarazi 100%. Gusa kugeza mu ntangiriro z’uyu mwaka, imibare yagaragazaga ko iki gikorwa kigeze kuri 75.9% .

@ BERWA GAKUBA Prudence/Isango Star-Kigali.

 

 

kwamamaza

Babangamiwe n’umuriro w’amashanyarazi udahagize utabemerera kuwukoresha mu kwiteza imbere

Babangamiwe n’umuriro w’amashanyarazi udahagize utabemerera kuwukoresha mu kwiteza imbere

 Mar 25, 2024 - 15:34

Bamwe mu batuye mu duce dutandukanye tw’igihugu bavuga ko babangamiwe n’ikibazo cy’umuriro w’amashanyarazi udahagije. Bavuga ko uba ari muke ku buryo bitabemerera kuwukoresha mu bikorwa by’iterambere bitandukanye. Minisiteri y’ibikorwaremezo (MINIFRA) ivuga ko icyo kibazo kizwi.

kwamamaza

Abadepite bagize inteko ishingamategeko y’u Rwanda bavuga ko iki kibazo kigaragara cyane iyo basuye uduce tumwe na tumwe, aho abahatuye bavuga ko babakorera ubuvugizi ku bijyanye n’umuriro w’amashanyarazi baba barahawe ariko ukaba udahagije mu byo bakeneye kuwukoresha.

Umwe yagize ati: “ kuri iriya gahunda yo gukwirakwiza amashanyarazi, hari aho bigenda bigaragara ko hari uduce tumwe na tumwe nubwo baba baradushyizemo amashanyarazi ariko ukabona adahagije. Haba hakorwa iki kugira ngo muri ibyo bice hagende hongerwamo amashanyarazi, ndavuga za transfo.”

Undi ati: “ hari ikibazo nabonye abaturage batugejejeho igihe twabasuraga. Batugaragarije ko amashanyarazi bagiye bagezwaho hari aho ari monophase kuburyo iyo bashatse gukora ibikorwa by’iterambere nko kugira imashini bakoresha kuri ayo mashanyarazi bitabakundira.”

Abaturage bavuga ko ibyo bidindiza ibikorwa by’iterambere kuko muri iyi minsi umuriro w’amashanyarazi wifashishwa mu bikorwa hafi ya byose.

Umwe ati: “ iki kibazo duhura nacyo aho ntuye mu Bwiza, aho umuriro waka ubyina…. Urahari ariko ni mukeya kandi ntabwo wacomekaho ibintu ngo wizere ko… amatara aba agenda akubita, akubita!”

Undi ati: “ biteza ingaruka kuko urabona abantu bari mu bucuruzi cyane cyane bafite ibibazo. Nk’abacomeka za frigo ugasanga ni ikibazo! Bariya bogosha bakoresheje umuriro nabo biba ikibazo….”

“ mbega urahari ariko ntabwo uri ku gipimo gihagije, urasaba ko bongeramo ingufu kugira ngo ugire ingufu tujye tuwukoresha.”

Gusa Dr. Jimmy Gasore; Minisitiri w’ibikorwaremezo, asobanura ko igitera icyo kizwi kandi kigenda kitabwaho kigakemurwa.

Ati: “amashanyarazi adahagije ni mu buryo bw’ibikorwaremezo kuko kuri production umuriro urahari uhagije. Mu buryo bw’ibikorwaremezo, hari aho usanga iterambere ryarihuse kurusha ibyari byarawuteganyirijwe. Usanga nk’ahantu havutse site nsha y’imiturire, mbere hari ubuhinzi, n’ibikorwaremezo byahajyanywe [transformer] kari gatoya. Noneho uko bahatura bihuta n’ibikorwa by’ubucuruzi ugasanga ya ya mashanyarazi ntabwo agihagije.”

“ ingamba nta zindi ni izo kuvugurura. Birakorwa cyane ni uko hari igihe rimwe na rimwe imbaraga zacu ziba zidahura n’ibyo tuba dukeneye gukora. Ni imbaraga z’ubushobozi.”

“ ikindi ni umuriro uba ugenda ukagera kure cyane noneho ugasanga itsinga rimwe [ one bubstation] iri kugeza umuriro ku baturage benshi. nyinshi muri izo aba ari na single phase, kuko ubundi umuriro mwiza amatsinga agenda ari atatu, icyo gihe aba ari urutsinga rumwe rurimo umuriro. Turi muri gahunda yo kubikosora (…) ariko naho amatsinga agenda akagera kure cyane ni nako igenda itakaza imbaraga. Bisaba yuko uhashyira indi transformer yongere izamure umuriro wongere ukwirakwizwe.”

“ ubwo rero ibyo bibazo ni birazwi n’ingamba zirazwi.”

Ubusanzwe muri gahunda ya guverinoma y’u Rwanda [ NST1] , leta yiyemeje mu w’2024, iyi gahunda izarangira abaturage bafite amashanyarazi 100%. Gusa kugeza mu ntangiriro z’uyu mwaka, imibare yagaragazaga ko iki gikorwa kigeze kuri 75.9% .

@ BERWA GAKUBA Prudence/Isango Star-Kigali.

 

kwamamaza