Kiny
Eng
Fr
Yamen Zelfani ntakiri umutoza wa Rayon Sport.
Uwajeneza Donatha
Oct 10, 2023 - 03:59
Ikipe ya Rayon Sports yatangaje ko Yamen Zelfani atakiri umutoza wayo nyuma yaho ananiwe gutsinda ikipe ya Marines FC ibitego 2-2 mu mukino w'umunsi wa kane wa shampiyon y'u Rwanda utari warabereye igihe.
kwamamaza
Uku gutandukana kwatangajwe kuri iki cyumweru tariki ya 8 Ukwakira 2023 binyuze ku rubuga rwa Instagram y'ikipe ya Rayon Sports.
Bagize bati "Ku bwumvikane bw'impande zombi Umutoza Yamen ZELFANI ntabwo akiri umutoza mukuru wa Rayon Sports."
Zelfani atandukanye na Gikundiro nyuma yaho yari yayigezemo tariki ya 18 Nyakanga 2023, mu mikino ya shampiyona yatoze Rayon Sports imikino itanu akaba yaranganyije imikino ine atsinda umwe.
Ku rwego mpuzamahanga yakinnye na Al Hilal Benghazi mu CAF Confederation Cup, akaba yarasezerewe kuri penaliti 4-2 nyuma yaho amakipe yombi anganyije ibitego 2-2 ku giteranyo cy'imikino yombi.
Mu irushanwa ryari ryateguwe na RNIT, Rayon Sports yanganyije na AS Kigali 2-2, itwara igikombe itsinze Kiyovu SC ibitego bitatu ku busa.
Mu mukino wa nyuma uhuza ikipe yatwaye shampiyona n'iyatwaye igikombe cy'Amahoro, Rayon Sports yatsinze APR FC ibitego 3-0.
@ Imaan Rabbin/ Isango Star-Kigali.
kwamamaza