Kiny
Eng
Fr
APR FC yatsinze VISION FC, intambara yo guhatanira igikombe na Rayon Sports irakomera
Uwajeneza Donatha
Mar 31, 2025 - 07:15
APR FC yatsinze Vision FC ibitego 2:1, biyongerera amahirwe yo gukomeza guhatanira igikombe cya shampiyona, nyuma yo gusigara irushwa inota rimwe na Rayon Sports, intambara yo guhanganira igikombe irushaho gukomera.
kwamamaza
Kuri iki Cyumweru, ku itariki 30 Werurwe (03), 2025, ikipe ya APR FC yahuye na Vision FC mu mukino w’umunsi wa 22 wa shampiyona y’u Rwanda, Rwanda Premier League 2024-2025. Umukino warangiye APR FC itsinze ibitego 2-1 cya Vision FC, irushaho gushyira igitutu kuri Rayon sports iyoboye urutonde rwa shampiyona.
Ni umukino watangiye ku isaha ya saa 18h00, umutoza Darko novic w'ikipe ya APR FC yari yakiriye uyu mukino yabanje mu kibugasa Ishimwe Pierre, Niyigena Clement, Niyomugabo Claude, Nshimiyimana Yunusu, Ndayishimiye Didier, Dauda Youssif, Ruboneka Bosco, Lamine Bah, Djibril Ouattra, Mugisha Gilbert na Mamadou Sy.
Ku ruhande rwa vision FC, umutoza wayo Lomami Marcel yabanje mu kibuga Bienvenue James Desire, Irambona Patrick, Rurangwa Mossi, Stepfen Bonny, Laurent Nshimiye, Ndikumana Edgar Faustin, Rugangazi Prosper, Cyubahiro Iradus, Mussa Esenu, Ishimwe Fabrice na Zabio Pascal.
Umukino watangiye VISION FC ikora amakosa ku munota wa 1', aho ba myugariro bayo bakoreye ikosa mamadou sy haboneka kufura yatewe na Ruboneka Jean Bosco ariko Niyigena Clement ateye umutwe umupira ujya ku ruhande.
Umukino wakomeje amakipe yombi arema uburyo bwo kubona igitego ariko bikomeza kugorana ku mande zombi. Ku munota wa 13' w'umukino, VISION FC yabonye amahirwe ku mupira w'umuterekano ariko Cyubahiro Iradus awutera kure y'izamu.
Ubwugarizi bwa VISION FC bwaranzwe no gukora amakosa menshi mu minota ibanza y'umukino yisanze ku munota wa 17' lrambona Patrick yakoteye ikosa Mahamadou Lamine Bah bivamo penaliti ya APR FC, yatewe neza na Cheik Djbril Ouattra afungura amazamu ku ruhande rwa APR FC ku munota wa 19'.
Umukino wakomeje APR FC ishaka uburyo bwo gushaka igitego cya kabiri ariko Mamadou Sy akomeza kupfusha ubusa imipira yahabwaga, indi umuzamu wa VISION FC akomeza kuyikuramo.
Abakinnyi ba Vision bakomeje gushaka uko babona igitego cyo kwishyura ariko ubwugarizi bwa APR FC bubabera ibamba.
Ku munota wa 42' Ndayishimiye Dieudone Nzotanga yatabaye APR FC agarura umupira warutewe na Mussa Esenu. Bidatinze ku munota wa 45', Cyubahiro Idarus yishyuye igitego cya Vision FC, maze igice cya mbere kirangira ari igitego cy'imwe kuri kimwe.
Igice cya kabiri cyatangiranye n'impinduka ku ruhande rwa APR FC, aho Niyibizi Ramadhan yasimbuye Mahamadou Lamine Bah'. APR FC yakomeje gukinana imbaraga zo gushaka igitego cya kabiri cy'Intsinzi ariko bikomeza kwanga. Ari nako ikomeza gusimbuza abakinnyi.
Ku munota wa 61' w'umukino, APR FC yasimbuje Seidou Dauda Youssif asimburwa na Denis Omedi mu rwego rwo gushaka igitego. Gusa hasigaye iminota itanu ngo iminota 90' y'umukino irangire, nibwo Mamadou' yaboneye Ikipe ya APR FC igitego cya kabiri, nyuma y'umupira wacaracaye imbere y'izamu rya VISION FC hakabura umuntu uwukuraho umukino urangira APR FC itsinze VISION FC ibitego 2:1 .
Uyu mukino wasize APR FC igize amanota 45 isigara irushwa inota rimwe na Rayon Sports ifite 46 mu mikino 22 ya shampiyona, Rwanda Premier league 2024-2025. Migihe VISION FC ikomeje kuba ku mwanya wa nyuma n'amanota 16.
Naho mu y'indi mikino yabaye kuri iki cyumweru, Kiyovu Sports 1:0 Police FC, Etiencelles FC 0:0 Marine FC.
@ Darius Shumbusho/ Isango Star.
kwamamaza