Ikipe ya Rayon Sports yagabanye amanota na Gasogi United mu mukino wo ku munsi wa Gatatu wa shampiyona y’icyiciro cya mbere mu Rwanda ya 2025/2026 wakinwe kuri iki Cyumweru saa Cyenda kuri Kigali Pele Stadium.

kwamamaza

Ikipe ya Rayon sports nyuma yo gutsindwa ku mukino wa kabiri wa shampiyona na police FC, yari yagarutse mu kibuga igeregeza kureba ko yabona amanota atatu ya kabiri muri uyu mwaka w'imikino ni nako gasogi United mu mukino yaherukaga yari yatsinze Rutsiro fc. Kuri Rayon sports ntibyayigendecyeye uko yabyifuza kuko yagabanye amanota na gasogi United mu mukino wahuje aya makipe yombi.

Umutoza wa Rayon sports yari yakoze impinduka mu bakinnyi yabanje mu kibuga bakinnyi bayobowe na Pavelh Ndzira,Nshimiyimana Emmanuel’Kabange', Sindi Paul Jesus, Yossou Diagne, Rushema Chris, Ndayishimiye Richard, Bigirimana Abedi, Ntarindwa Aimable, Tambwe Gloire, Tony Kitoga na Aziz Bassane. Kuruhande rwa Gasogi United abakinnyi babanjye mu kibuga barimo Cuzuzo Aime Gael, Nkubana Marc, Kanamugire Arsene, Hakizimana Adolphe, Iyabivuze Fabrice, Ngono Guy Herve, Ndikumana Dany, Muderi Akbar, Kazibwe Faizoo, Hakim Hamiss na Kokoete Udo.

Umukino watangiye Rayon sports yinjira mu mukino neza ifunguye amazamu ku gitego cya Tambwe Gloire ku mupira yahawe na na Tony Kitoga ku munota wa 5" murera yakomeje ku gerageza amahirwe ku munota wa 8' yongera kubona amahirwe kuriTambwe ariko umupira awutera hanze.

Gasogi United yagerageza amahirwe yo gushaka yo kwishyura maze bidatinze ibona igitego cyo kwishyura cyatsinzwe na Ngono Guy Herve ku mupira waruvuye muri koroneri ku munota wa 16", Gasogi United ntiyacitse intege kuko yakomeje kurema uburyo bw'igitego cya kabiri maze bidatinze

Ku munota wa 29"ku mupira warutakajwe n'abakinnyi ba Rayon Sports usanga Kokoete Udo atera ishoti riremereye ari inyuma y'urubuga rw'amahina riruhukira mu umuzamu wa rayon sports pavel ntiyamenya uko bigenze gasogi United iyobora umukino ku bitego 2-1 igice cya mbere cy'umukino cyirangira gityo.

Igice cya kabiri Rayon sports yagarukanye imbaraga zo gushaka igitego cyo kwishyura maze bidatinze ku mupira watewe neza na Harerimana Abdoulaziz atsinza igitego cya kabiri ku mupira waruhinduwe imbere y'izamu na Sindi Paul Jesus umusanga aho yari ahagaze ku nguni yo hepfo awushyira mu nshundura.

Umutoza wa Rayon sports ku munota wa 68" Afhamia Lotfi yakoze impinduka mu kibuga havamo Rushema Chris hajyamo Serumogo Ally Omar gusa amakipe yombi akomeza kunganya umukino warangiye amakipe yombi anganyije 2:2

Uyu ubaye umukino wa Kane w'ikurikiranya Rayon Sports itabasha kubona intsinzi. Yahise ijya ku mwanya wa karindwi ku rutonde rwa shampiyona n'amanota ane mu gihe Gasogi United yo iri ku mwanya wa kane n'amanota atanu.