Kiny
Eng
Fr
Amavubi ntazakina AFCON 2023
Gisubizo Philemon
Jun 19, 2023 - 12:23
Ikipe y'igihugu y'u Rwanda mu mupira w'amaguru, Amavubi yasezerewe mu kuzakina imikino ya nyuma y'igikombe cya Afurika 2023, ibi byabaye nyuma yaho u Rwanda rwatsinzwe na Mozambique.
kwamamaza
Hari mu mukino wakinwe kuri iki cyumweru tariki ya 18 Kamena 2023 wabereye kuri Sitade ya Huye yo mu ntara y'Amajyepfo.
Uyu mukino wakinwaga ku munsi wayo wa 5 wo mu itsinda rya L, u Rwanda rwatsinzwe na Mozambique ibitego bibiri ku busa, ni ibitego byatsinzwe na Genty Cantamo ku munota wa 42 w'umukino na Clesio Beaque watsinze igitego cya kabiri ku munota wa 93.
Mu iri tsinda kandi rya L, kuwa gatandatu tariki ya 17 Kamena 2023 ikipe y'igihugu ya Benin yanganyije na Senegal igitego kimwe kuri kimwe.
Kuri ubu muri iri tsinda, Senegal irayoboye n'amanota 13 irakurikirwa ku mwanya wa kabiri na Mozambique, Benin iri ku mwanya wa Gatatu n'amanota atanu naho ikipe y'igihugu y'u Rwanda ku mwanya wa Kane n'amanota abiri.
Mu guhatanira kuzakina imikino ya nyuma y'igikombe cya Afurika 2023, ibi bivuze ko Amavubi atazakina iyi mikino kuko mu mukino umwe usigaye niyo yawutsinda ntakintu bizaba bitanze kuko ntirwasoza ku mwanya wa Kabiri kuko hazakomeza amakipe 2 ya mbere muri buri tsinda.
Mu guhatanira kuzakina imikino ya nyuma y'igikombe cya Afurika 2023, ibi bivuze ko Amavubi atazakina iyi mikino kuko mu mukino umwe usigaye niyo yawutsinda ntakintu bizaba bitanze kuko ntirwasoza ku mwanya wa Kabiri kuko hazakomeza amakipe 2 ya mbere muri buri tsinda.
Inkuru ya Rabbin Imani Isaac / Isango Star
kwamamaza