Kiny
Eng
Fr
Ukraine: Ubudage bwatangaje ko imodoka z’intambara za Leopord 2 zizohereza mu mpera ya Werurwe.
Uwajeneza Donatha
Jan 26, 2023 - 12:16
Boris Pistorius; Minisitiri w’ingabo w’Ubudage, yatangaje ko igihugu cye giteganya koherereza Ukraine imodoka z’intambara za Leopord 2kuva mu mpera za Werurwe (03) no mu ntangiriro za Mata (04).
kwamamaza
Ibi yabitangaje ubwo yasuraga ingabo ziherereye I Bundeswehr muri Saxe-Anhalt [Iburasirazuba], yagize ati: “Biteganijwe ko tuzabibona muri sosiyete[izikora] mu mpera za Werurwe (03) no mu ntangiriro za Mata(04).”
Ku wa gatatu, nibwo Ubudage bwemeje ko buzaha Ukraine intwaro 14 za Leopord 2 ndetse buha uburenganzira n’ibindi bihugu byifuza gufashisha Ukraine izi ntwaro.
Ku wa kabiri kandi, nibwo minisitiri Boris yari yatangaje ko ibihugu bifuza uburenganzira byaba bitoza ingabo za Ukraine ku ikoreshwa ry’izi ntwaro.
Uretse Pologne yamaze gutangaza ko izatangira guhugura abasilikari ba Ukraine barimo aba-Ofisiye ndetse n’abafite ipeti rya Sergeant bazahugurwa ku ikoreshwa rya Leopord 2 ndetse n’izindi ntwaro zizatangwa n’ibihugu by’ibifatanyabikorwa, Ubudage bwanashimangiye gahunda yayo yo guha imyitozo ya gisilikari ingabo za Ukraine.
Minisitiri w’ingabo, Boris Postorius, yatangaje iyo myitozo izatangira gutangwa mu mpera z’uku kwezi mu Budage ariko ku ikoreshwa rya za Burende, nyuma gato hakazakurikiraho iz’ikoreshwa rya Leopord 2.
kwamamaza