Kiny
Eng
Fr
Ubuhinde burashinja Ubushinwa guhindura imiterere y’umupaka wa Himalaya.
Uwajeneza Donatha
Dec 15, 2022 - 15:46
kwamamaza
Ku rundi ruhande, ingabo z'Ubushinwa zavuze ko ku wa kabiri ko abasirikare b'Abahinde bambutse imipaka utavugwaho rimwe n'impande zombi was Himalaya kandi ushyamirana n' ingabo za Beijing.
Mbere, Leta ya Beijing yari yavuze ko ibintu bimeze neza ku mupaka uyihuza n'Ubuhinde, ivuga ko hari ubufatanye mu kubungabunga amahoro n'umutekano ku mupaka w'ibi bihugu.
Icyakora kuwa mbere nibwo Ubuhinde bwatangaje ko babayeho gushyamirana, nyuma yaho hakozwe imyitozo ya gisirikari ihuriweho na Leta zunze ubumwe z'Amerika n'iki gihugu yakorewe ku mupaka.
Umubano w'Ubuhinde n'Ubushinwa wajemo agatotsi, nyuma yaho habaye gushyamirana mu mirwano yabereye hafi ya Himalaya muri Kamena (6) 2020, abasilikari 20 b'Ubuhinde bakahasiga ubuzima ndetse na 4 b'Ubushinwa.
Umupaka uhuza ibihugu byombi uri kuri metero 4 000 z'ubutumburuke bw'inyanja, wateje intambara hagati y'ibi bihugu kuva mu mwaka w'1962 ariko kugeza ubu nturumvikanwaho.
Minisitiri w’ingabo w’Ubuhinde, Rajnath Singh yemeje ko ingabo z’Ubuhinde n'iz'Ubushinwa zashyamiranye ku ya 9 Ukuboza(12) , muri Arunachal Pradesh,mu burasirazuba bw'Ubuhinde( mu majyepfo ashyira Iburasirazuba).
Yagize Ati: "Ku ya 9 Ukuboza 2022, ingabo za PLA zagerageje guhindura imiterere ibintu uko bimeze ku murongo wo tugenzura."
Rajnath Singh yavuga ko ingabo z'Ubuhinde zabujije ingabo z'Ubushinwa (PLA) kwigarurira ubutaka bwabo ndetse no zibakurw mu birindiro byazo.
Avuga ko kuri buri ruhande Hari abasirikare bakomerekeye muri iyo mirwano.
Yabuze ko nta musirikare wabo wahasize ubuzima cyangwa ngo akomereke bikabije, uretse 6 bakomeretse bidakanganye. Ibi Kandi bishimangirwa n'abandi bantu ba hafi y'igisirikari cy'ubuhinde, bavuga ko abakomeretse ku mpande zombi Ari ibyoroheje.
AFP ivuga ko uku gushyamirana kwatewe nuko ingabo z'Ubushinwa zinjiye mu gace impande zombi zari zaremeranyije ko zitazahakora amarondo.
Icyakoze nubwo uruhande rw'Ubuhinde rutangaza ibi, urw'Ubushinwa ntirubyemera. Narwo rushinja urw'Ubuhinde Kirenga ku masezerano yemeranyijwe hagati y'impande zombi.
Mu minsi ishize Hari ibiganiro nanone byahuje inzego za gisirikari z'ibi bihugu, ariko kuba buri ruhande rushinja urundi kurushotora ni impambu ikomeye ishobora gukuza amakimbirane mu buryo bumwe cyangwa ubundi.
Umuvugizi w’ingabo z’Ubushinwa yavuze ko ingabo z'igihugu cye zabangamiwe n'ingabo z'Ubuhinde zambutse mu buryo butemewe n’umurongo.
Wang Wenbin; umuvugizi was Minisitiri y'ububanyi n'amahanga yanze kugira byinshi avuga kuri iki kibazo avuga ko ibintu bimeze neza.
Yabuze ko impande zombi ziri mu biganiro mubrwego rwo gushaka umuti w'ikibazo cy'umupaka binyuze mu nzira za dipolomasi n'iza gisirikari.
Wang avuga ko yizeye ko Ubuhinde buzakomeza gitera intambwe bakumva ibintu kimwe.
Ibi bihugu byombi biri muri bitanu bya mbere bikize ku isi ndetse no gutunga intwaro kirimbuzi, bikomeje gupfa uyu mupaka, Dore ko amakuru avuga ko mu bihe bitandukanye ingazo z' ibi bihugu zaranzwe no gushyamirana.
Icyakora ku rundinruhande, wakwibaza niba gushyamirana kuri iyi nshuro byaratijwe umurindi n'imyitozo ya gisirikari yabaye mu kwezi gushyize , ihuriweho n'ingabo za Leta zunze ubumwe z'Amerika.
Nyuma y'ugushyamirana kwabayeho muri Kamena(6), Ubuhinde bukomeje gushimangira umubano wayo n'ibihugu byo mu burengerazuba bw'isi , cyane mu rwego rw'umutekano nk'Amerika, n'ubundi bihugu nk'Ubuyapani, Australie.
kwamamaza