Kiny
Eng
Fr
Rayon Sports yakoze impinduka zikomeye mu batoza bayo
Uwajeneza Donatha
Apr 2, 2025 - 11:41
Kuri uyu wa gatatu, ku ya 02 Mata (04), 2025 ikipe ya Rayon Sports yakoze impinduka mu batoza bayo, aho yashyizeho Rwaka Claude nk'umutoza wungirije mu bagabo naho Fleury Iquel Rudasingwa we akaba yagizwe umutoza w'Abagore. Ni mugihe iyi kipe yarimaze iminsi itandukanye n'uwari umutoza wayo wungirije Umunya-Tunisia, Quanane Sellami, wakoranaga na Robertinho, umutoza mukuru.
kwamamaza
Izi mpinduka mu kipe ya Rayon Sports zatangajwe mu gitondo cyo kuri uyu wa gatatu mu itangazo yanyujije ku mbuga nkoranyambaga zayo zitandukanye. Ibi kandi bibaye nyuma yuko Rwaka Claude yarasazwe ari umutoza mukuru w'ikipe ya Rayon sports y'Abagore, aho aje gusimbura Umunya-Tunisia, Quanane Sellami, watandukanye n'iyi kipe mu ntangiriro za Werurwe (03).
Rwaka Claude wagizwe umutoza wungirije Robertinho
Muzindi mpinduka,l ikipe ya Rayon Sports yakoze, Fleury Iquel yagizwe umutoza mukuru wa Rayon sports y'Abagore, mugihe yarasanzwe ari umutoza w'ungirije muri iyi kipe. Mu nahingano nsha, azungirizwa na Djamila Dushimimana wari asanzwe ari Team Manager.
Aba batoza bahinduriwe inshingano bamaze guhesha ikipe ya Rayon Sports y'Abagore igikombe cya shampiyona kandi ikaba icyiri gukina imikino y'igikombe cy'Amahoro, begukanye, n'icyo kwizihiza umunsi mpuzamahanga w'umugore.
Si inshuro ya mbere Umutoza Rwaka Claude agiye kuba umutoza w'ungirihe kuko ubwo Haringingo Francis yegukanaga igikombe cy'Amahoro (ari nacyo Rayon Sports iheruka).
Rayon sports ikoze izi mpinduka mugihe ikomeje kuyobora urutonde rwa shampiyona 2024-2025, ifite amanota 46, aho irusha APR FC iyikurikiye ku mwanya wa kabiri inota rimwe gusa.
Biteganyijwe ko mu mikino ikurikira ya shampiona, Rayon Sports izakina na Marine FC.
Quanane Sellami uherutse gutandukana na Rayon Sports
ROBERTINHO Umutoza mukuru wa Rayon sports
@Darius Shumbusho/ Isango Star-Kigali
kwamamaza