Kiny
Eng
Fr
APR FC yahawe ikarita y'umutuku yaguye miswi na Kiyovu Sports muri Shampiyona 2025/26.
SHUMBUSHO Darius
Oct 25, 2025 - 23:09
APR FC y'abakinnyi 10 yaguye miswi na Kiyovu Sports mu mukino w’umunsi wa gatanu wa shampiyona wabereye kuri Kigali Pele Stadium kuri uyu wa Gatandatu, tariki ya 25 Ukwakira 2025 watangiye saa 15h00 amakipe yombi atahana inota rimwe mu mukino warangiye ari ubusa ku busa.
kwamamaza
Ikipe ya kiyovu sports yari yakiriye uyu mukino umutoza wayo Haringingo Francois yabanje mu kibuga James Djaong, Nizigiyimana Karim, Byiringiro David, Mbonyingabo Regis, Rwabuhihi Aime Placide, Yakubu Uwimana, Nsanzimfura Keddy, Sharif Bayo, Moise Sandja Bulaya, Niyo David na Cedric Amiss ni nako Taleb abderrahim utoza ikipe ya APR FC yahisemo abakinnyi 11 bayobowe na Ishimwe Pierre mwizamu abandi ni Byiringiro Gilbert, Niyigena Clement, Yunusu Nshimiyimana, Niyomugabo Claude, Ronald Ssekiganda, Ruboneka Jean Bosco, Lamine Bah, Hakim Kiwanuka, Denis Omedi, William Toguie.
Umukino ikipe ya APR FC yatangiye yiharira umupira inarena uburyo bw'igitego, muri uku gushaka igitego umusore ukina mu kibuga hagati Ruboneka Jean Bosco yateye ishoti ashaka gutungura umuzamu wa kiyovu sports james ariko asanga ari maso, umukino wakomeje maze kiyovu sports itangira gusatira ikipe ya APR FC yari yasubiye imyuma ariko bidatinze Ku munota wa 23, kapiteni wa kiyovu Sports Amiss Cedric yagize imvune, asimburwa na Uwineza Rene.
Rene nyuma yo kwinjira mu kibuga yazonze ikipe ya APR FC cyane cyane muri ba myugariro bayo ku buryo yabonye bwari kuvamo igitego ariko ntabubyaze umusaruro, Mbere y'uko igice cya mbere cyirangira Gitinyiro yabonye amahirwe y'igitego Ku munota wa 42, ku mupira wahinduwe na Niyomugabo Claude mu waruturutse muri koroneri ushyirwaho umutwe na Lamine Bah, ku bw’amahirwe make ukurwamo n’umunyezamu James igice cya mbere cyarangiye amakipe yombi anganya 0-0.
Mu gice cya kabiri kiyovu sports yagarukanye imbaraga zo gushaka igitego maze Ku munota wa 55, Nsanzimfura Keddy wari wasonze APR FC binyuze mu mashoti aremereye yatereraga kure yongeye gutera ishoti rikomeye ari hanze y’uburuga rw’amahina, umupira ushyirwa muri koroneri n’umunyezamu Ishimwe Jean Pierre, ntibyarangiriye aho kuko kiyovu sports yongeye kugerageza ishoti ryatewe neza na Chirif bayo ariko Pierre arongera arahagoboka, muruku gukomeza gusatirwa abakinnyi ba APR FC niko bakoraga amakosa atandukanye maze Ku munota wa 81, Ronald Ssekiganda wa APR FC yahawe ikarita y’umuhondo ya kabiri nyuma yo gukinira nabi Rukundo Abdulrahman wa Kiyovu Sports ahita avamo iminota yose yarisigaye y'umukino APR FC bayikinnye batuzuye ari icumi (10).
Muri iyi Iminota ya nyuma ikipe ya kiyovu sports yihariye umukino ishaka uburyo bw'igitego kuko Nsanzimfura Keddy wa Kiyovu Sports yongeye na none gutera ishoti rikome ariko Ishimwe Pierre arongera amubera ibamba, Umukino warangiye amakipe yombi anganyije ubusa ku busa.
APR FC yagize amanota arindwi mu mikino itatu imaze gikina, mu gihe Kiyovu Sports yagize amanota atandatu mu mikino itanu, indi mIkino yabaye kuri uyu wa gatandatu AS Muhanga yatsinze Bugesera FC igitego 1-0, Etincelles inganya na Gorilla FC 0-0, Musanze FC inganya na Rutsiro FC igitego 1-1, Mukura VS yatsinze AS Kigali ibitego 2-0.
kwamamaza