Kiny
Eng
Fr
Pep Guardiola yatsinze liverpool mu mukino 1000 yatozaga
SHUMBUSHO Darius
Nov 10, 2025 - 10:33
Mu mukino ikipe ya Manchester city yatsinze Liverpool FC ibitego 3-0, wabaye umukino 1000 pep Guardiola yari atoje mu mateka ye y’umupira w’amaguru kuva yatangira gutoza nk'umutoza mukuru
kwamamaza
Mu mukino wabaye kuri iki Cyumweru, tariki ya 9 Ugushyingo 2025, Manchester city yari yakiriye ikipe ya liverpool mu mikino y’Umunsi wa 11 wa Shampiyona y’u Bwongereza ikipe ya Manchester city yinjiye neza mu mukino maze Ku munota wa 13 Erling Haaland abona uburyo bw'igitego ariko peneriti yarabonye arayirata, gusa nyuma yaho yahise atsinda igitego ku munota wa 29" bidatinze Nico González yatsinze igitego cya kabiri, ndetse Jeremy Doku ashyiramo igitego cya gatatu.
Iyi nsinzi yashimishije umutoza wayo nyuma yaho yuzuzaga imikino 1000 atoje nk'umutoza mukuru kuva yatangira gutoza, iyi mikino yose yayitoreje mu makipe ane (4) arimo ikipe ya Manchester city yuzuzagamo imikino 550, atoza muri fc Barcelona yo muri esipanye nkuru imikino 247, atoza kandi imikino 161 muri Bayern munich yo mu Budage ndetse n'imikino 42 muri fc Barcelona yabato.
Muri iyi mikino yose yatoje nk'umutoza mukuru yatsinzemo imikino 716 mu marushanwa yose yakinnye anganyamo imikino 156 ndetse atsindwamo imikino 128, muri iyi mikino yose amaze gutwaramo ibikombe 40, birimo n'ibikombe 3 bya UEFA champions league.
kwamamaza