Kiny
Eng
Fr
Muhirwa prosper yitandukanyije n'icyemezo cyo kwirukana Afhamia Lotfi
SHUMBUSHO Darius
Oct 15, 2025 - 20:04
kwamamaza
Mwibaruwa yanditswe na Visi Perezida ushinzwe Tekinike muri Rayon Sports, Muhirwa Prosper, yatangaje ko atemeranwa n’icyemezo cyo guhagarika Umutoza Mukuru, Afhamia Lotfi n'Umwungiriza we, Azzouz Lotfi, kuko cyafashwe Komite Nyobozi itagishijwe inama ngo gifatirwe hamwe.
Ibi yabitangaje abinyujije mw'ibaruwa yanditse kuri uyu wa kabiri tariki ya 14 Ukwakira 2025 agira ati "Nshingiye ku ibaruwa yo kuwa 13 Ukwakira 2025 wandikiye umutoza Afhamia Lotfi nk'umutoza mukuru na Azzouz Lotfi Nk'umutoza wungirije, mubateguza gusesa amasezerano mu nshingano nk'abatoza ba Rayon sports fc.
Nanditse iyi baruwa ngirango nitandukanye n'icyemezo wafashe cyo guhagarika abatoza navuze haruguru kuko nsanga waragifashe ku giti cyawe atari icyemezo cya komite nyobozi bityo ko n'igihe havukamo ingaruka ziturutse kuri icyo cyemezo, zidakwiye kwitirirwa Association Rayon Sports.
Muhirwa Prosper yanditse iyi baruwa nyuma yaho Perezida wa Rayon sports Association Twagirayezu Thaddée, amenyesheje aba batoza ko baratakiri mu nshingano zo gutoza iyi kipe, iki cyemezo cyo kudakomeza inshingano bazimenyeshejwe tariki ya 13 Ukwakira 2025.
Iyi baruwa yaje mu gihe kuruhande rwa Lotfi rutemera uko rwahagaritswe rukaba rwatangiye gutegura uko rwajyana iyi kipe mu nyiko.
kwamamaza