Kiny
Eng
Fr
![Sènègal: Perezida Kagame mu bihumbi byitabiriye itahwa rya Stade [REBA AMAFOTO]](https://www.isangostar.rw/uploads/images/2022/04/image_380x226_624d490a202cf.jpg){kind=small}
Nsanzimfura Keddy yabonye ikipe mu Misiri
Uwajeneza Donatha
Sep 7, 2023 - 21:18
Umukinnnyi w'Umunyarwanda ukina hagati mu kibuga afasha abataha izamu, Nsanzimfura Keddy yasinye amasezerano y'imyaka ibiri mu ikipe ya Al-Qanah SC ikina icyiciro cya kabiri mu Misiri.
kwamamaza
Nsanzimfura w'imyaka 20 y'amavuko yagiye muri ruhago ya Misiri nyuma yo gusoza amasezerano y'amezi atandatu yari afite muri Marines FC, aho yari yatijwe na APR FC.
Nsanzimfura yabaye kapiteni w'ikipe y'igihugu y'u Rwanda y'abatarengeje imyaka 17 mu 2019 ndetse aza no guhamagarwa mu ikipe nkuru yakinnye na Kenya mu 2021, ubwo hashakwaga itike y'igikombe cy'Isi cya 2023.
Nyuma, Nsanzimfura yaje kubura umwanya uhagije wo gukina muri APR FC bimuviramo gutizwa muri Marines FC mu buryo bwo kumushakira umwanya wo gukina, ku buryo yari kuzagarurwa muri APR FC.
Ubwo Nsanzimfura yari asoje amasezerano y'intizanyo muri Marines FC, ntabwo yifuje gukomezanya nayo ahubwo yakubise hirya no hino birangira abonye ikipe mu Misiri.
@Saddam MIHIGO /Isango Star-Kigali.
kwamamaza