Kutageza amashanyarazi ku banyafurika bishobora kubangamira iterambere ry’umugabane: Mu Rwanda bimeze bite?

Kutageza amashanyarazi ku banyafurika bishobora kubangamira iterambere ry’umugabane: Mu Rwanda bimeze bite?

Abari mu rwego rw’ingufu muri Afurika baravuga ko uyu mugabane ugikomeje gusigara inyuma mu kugeza ingufu z’amashanyarazi ku bawutuye. Bavuga ko ibyo bishobora gukoma mu nkokora iteramere ryifuzwa ndetse no kugera ku ntego z’iterambere rirambye SDGs z’Umuryango w’abibumbye ziteganya ko muri 2030 ingufu zizaba zigera kuri buri wese utuye isi. Mu Rwanda, Ministeri y’ibikorwaremezo ivuga ko n’ubwo hari inzitizi zihuriweho, hari icyizere ko muri 2030 intego zizaba zaragezweho.

kwamamaza

 

Ibi byagarutsweho mu nama y’ihuriro ry’abashakashatsi n’abanyapolitiki bo hirya no hino ku isi iteraniye mu Rwanda, aho bari kwiga ku bibazo bikibangamiye gahunda yo kugeza ingufu ku bantu bose ku isi.

Muri iyi nama, hagaragajwe ko kugeza ubu umugabane wa Afurika ariwo ukomeje kuba inyuma muri iyi gahunda. Dr. Albert BUTARE, Umunyarwanda uyobora Sosiyete ireberera ndetse ikanatanga inama mu birebana n’ingufu muri Africa yitwa African Energy Services Group, avuga ko ibihugu byo kuri uyu mugabane bikeneye ingamba.

Yagize ati: “ibihugu bihurira hamwe ngo biganire ‘byagenda bite kugira ngo bifatanye, bizamukire hamwe mu kongera amashanyarazi agera ku bantu muri ibi byo kuringaniza amategeko no kureba uko igihugu kimwe gishobora gukoresha ibyo gifite’. Niba mufite amazi mugakoresha hydropower akaba ariyo mwibandaho. Abafite ubushobozi bw’imiyaga, bagakora ingufu z’umuyaga bakareba ukundi mugurishanya bene uko, ibyo nibyo bishobora gufasha gutera imbere.”

Dr. GASORE Jimmy; Ministiri w’Ibikorwaremezo mu Rwanda, avuga ko ibyuho Afurika ifite bikeneye ubufatanye bw’Ibihugu.

Ku ruhande rw’u Rwanda rwo rwiteguye ko intego ya 7 mu z’iterambere rirambye SDGs izagerwaho uko bikwiye.

Ati: “iyo inama iri hano mu Rwanda biradufasha cyane kubera ko twe dutanga ubumenyi bw’ibyo twagezeho ariko tukigira no ku bandi banyafurika bafite ibibazo nk’ibyacu, bafite n’ibisubizo bagiye bakora byo kugeza ingufu ku baturage babo.”

“hari abashakashatsi, hari abanyapolitiki, hari abaterankunga…iyo bose bari hamwe rero mukicara mukaganira mubona ibindi bisubizo bishobora kudufasha.”

“intego z’igihugu ni uko 2030 ni uko abanyarwanda bose bazaba baramaze kugerwaho n’umuriro 100%, bacana ibicanwa bitangiza ikirere, niyo ntego turi gukoreraho kandi tuzaba twarayigezeho.”

Mu mwaka wa 2017, nyuma y’uko ibihugu bigize isi byari bishoje intego z’ikinyagihumbi MDGs, Umuryango w’Abibumbye washyizeho intego 17 zigamije iterambere rirambye SDGs zikubiyemo ibyo ibihugu bigomba kuba byaragezeho mu mwaka wa 2030.

Iya karindwi muri zo iteganya ko abatuye isi bose muri uwo mwaka bagomba kuzaba bagerwaho n’ingufu z’amashanyarazi zizewe, zibahendukiye, zirambye, zigezweho kandi zitangiza ibidukikije.

Kugeza ingufu ku banyarwanda ni umuhigo Leta y’u Rwanda yarifite mu ntego z’imyaka 7 ya NST1igomba kurangirana n’uyu mwaka w’2024.

@Gabriel IMANIRIHO/Isango Star-Kigali.

 

kwamamaza

Kutageza amashanyarazi ku banyafurika bishobora kubangamira iterambere ry’umugabane: Mu Rwanda bimeze bite?

Kutageza amashanyarazi ku banyafurika bishobora kubangamira iterambere ry’umugabane: Mu Rwanda bimeze bite?

 Mar 14, 2024 - 10:50

Abari mu rwego rw’ingufu muri Afurika baravuga ko uyu mugabane ugikomeje gusigara inyuma mu kugeza ingufu z’amashanyarazi ku bawutuye. Bavuga ko ibyo bishobora gukoma mu nkokora iteramere ryifuzwa ndetse no kugera ku ntego z’iterambere rirambye SDGs z’Umuryango w’abibumbye ziteganya ko muri 2030 ingufu zizaba zigera kuri buri wese utuye isi. Mu Rwanda, Ministeri y’ibikorwaremezo ivuga ko n’ubwo hari inzitizi zihuriweho, hari icyizere ko muri 2030 intego zizaba zaragezweho.

kwamamaza

Ibi byagarutsweho mu nama y’ihuriro ry’abashakashatsi n’abanyapolitiki bo hirya no hino ku isi iteraniye mu Rwanda, aho bari kwiga ku bibazo bikibangamiye gahunda yo kugeza ingufu ku bantu bose ku isi.

Muri iyi nama, hagaragajwe ko kugeza ubu umugabane wa Afurika ariwo ukomeje kuba inyuma muri iyi gahunda. Dr. Albert BUTARE, Umunyarwanda uyobora Sosiyete ireberera ndetse ikanatanga inama mu birebana n’ingufu muri Africa yitwa African Energy Services Group, avuga ko ibihugu byo kuri uyu mugabane bikeneye ingamba.

Yagize ati: “ibihugu bihurira hamwe ngo biganire ‘byagenda bite kugira ngo bifatanye, bizamukire hamwe mu kongera amashanyarazi agera ku bantu muri ibi byo kuringaniza amategeko no kureba uko igihugu kimwe gishobora gukoresha ibyo gifite’. Niba mufite amazi mugakoresha hydropower akaba ariyo mwibandaho. Abafite ubushobozi bw’imiyaga, bagakora ingufu z’umuyaga bakareba ukundi mugurishanya bene uko, ibyo nibyo bishobora gufasha gutera imbere.”

Dr. GASORE Jimmy; Ministiri w’Ibikorwaremezo mu Rwanda, avuga ko ibyuho Afurika ifite bikeneye ubufatanye bw’Ibihugu.

Ku ruhande rw’u Rwanda rwo rwiteguye ko intego ya 7 mu z’iterambere rirambye SDGs izagerwaho uko bikwiye.

Ati: “iyo inama iri hano mu Rwanda biradufasha cyane kubera ko twe dutanga ubumenyi bw’ibyo twagezeho ariko tukigira no ku bandi banyafurika bafite ibibazo nk’ibyacu, bafite n’ibisubizo bagiye bakora byo kugeza ingufu ku baturage babo.”

“hari abashakashatsi, hari abanyapolitiki, hari abaterankunga…iyo bose bari hamwe rero mukicara mukaganira mubona ibindi bisubizo bishobora kudufasha.”

“intego z’igihugu ni uko 2030 ni uko abanyarwanda bose bazaba baramaze kugerwaho n’umuriro 100%, bacana ibicanwa bitangiza ikirere, niyo ntego turi gukoreraho kandi tuzaba twarayigezeho.”

Mu mwaka wa 2017, nyuma y’uko ibihugu bigize isi byari bishoje intego z’ikinyagihumbi MDGs, Umuryango w’Abibumbye washyizeho intego 17 zigamije iterambere rirambye SDGs zikubiyemo ibyo ibihugu bigomba kuba byaragezeho mu mwaka wa 2030.

Iya karindwi muri zo iteganya ko abatuye isi bose muri uwo mwaka bagomba kuzaba bagerwaho n’ingufu z’amashanyarazi zizewe, zibahendukiye, zirambye, zigezweho kandi zitangiza ibidukikije.

Kugeza ingufu ku banyarwanda ni umuhigo Leta y’u Rwanda yarifite mu ntego z’imyaka 7 ya NST1igomba kurangirana n’uyu mwaka w’2024.

@Gabriel IMANIRIHO/Isango Star-Kigali.

kwamamaza