Kiny
Eng
Fr
Impfu n’imigaragambyo mu mihanda ya Cameroon mu gihe hategerejwe gutangaza burundu amajwi y'amatora ya perezida
Uwajeneza Donatha
Oct 27, 2025 - 12:59
Muri Cameroon hadutse imyigaragambyo n’akajagari gakomeye y'abashyogikiye umukandida Idaa Tchiroma Bakary, wo mu ishyaka rihanganye na Perezida Paul Biya. Imyigaragambyo yatangiriye mu mujyi wa Douala, umujyi w’ubukungu w’igihug ndetse inzego z'umutekano zashinjije abayikira gukoresha ibiyobyabwenge. Ni mu gihe amakuru atangwa na guverineri w’akarere ka Littoral avuga ko ku cyumweru, abantu bane bishwe, abandi benshi barakomereka.
kwamamaza
Guverineri Samuel Dieudonné Ivaha Diboua yavuze ko ari urubyiruko ruri kwigaragambya rwakoresheje ibiyobyabwenge kandi ruri gukora ibikorwa by'ubugizi bwa nabi.
Yavuze ko bagerageje kwinjira mu kigo cy’abapolisi n’icy’ingabo, bityo hatangijwe iperereza.
Bakary yatangaje ko yatsinze amatora yabaye ku wa 12 Ukwakira (10), ahize Perezida Paul Biya umaze imyaka 43 ku butegetsi. Yasabye abamushyigikiye kujya mu mihanda bakigaragambya mu mahoro, bakagaragaza imbaraga zabo. Gusa ishyaka rya Perezida Biya, CPDM, rihakana iyo nstinzi.
Ku rundi ruhande, inama y'Inteko Ishinga Amategeko yatangaje ko amajwi y'uwatsinze amatora y'umukuru w'igihugu mu buryo bwa burundu aratangazwa kuri uyu wa Mbere.
Ni mu gihe ibikorwa cyo gucunga umutekano byakajijwe mu bice bitandukanye nyuma yaho imyigaragambyo yagaragaye hafi y’Ikibuga cy’Indege cya Douala no mu gace ka New Bell, ndetse n’ahandi muri Dakar, muri Bonamoussadi na Nkongsamba no mu yindi mijyi. Abigaragambya basaba ko ukuri kw'ibyavuye mu matora gutangazwa, nk’uko RFI ibitangaza.
Mu majyaruguru, abantu benshi bateraniye i Garoua na Maroua, basengera umukandida wabo. Naho ahitwa i Kondengui haba imyigaragambyo. Mu murwa mukuru Yaoundé, umutekano wari mwiza, gusa ariko amakimbirane yagaragaye mu bice bya Mokolo na Tsinga biherereye hafi y’ibiro bya perezida.
Minisiteri y'Ubutegetsi bw'iki gihugu yatangaje ko hafunzwe abantu 106, abashinzwe umutekano benshi bajya mu bice bitandukanye by’igihugu harimo n’imijyi hafi 10, kugeza mu gitondo cyo kur'uyu wa mbere, ku ya 27 Ukwakira (10)2025, igihe amajwi araba atangazwa mu buryo bwa burundu.
@rfi.
kwamamaza