Kuri iki cyumweru mu kiganiro SundayNightShow gitambuka kuri Radio na Television Isango Star niho aba bahanzi batangarijwe aho muri iki cyiciro kigizwe n’abahanzi bane barimo Afrique, Bwiza, Jowest ndetse na Yampano.

Bitandukanye n’indi myaka yabanje abahanzi ndetse n’abafite aho bahuriye n’umuziki bari muri biri cyiciro kuri iyi nshuro habanje kwiyambazwa amajwi y’abandi bantu bafite aho bahuriye n’imyidagaduro barimo abanyamakuru bakorera ibitangazamakuru byandika,abakora kuri radio na television ndetse n’abandi bantu bakunze kugaragara mu ruganda rw’myidagaduro.

Ibi bikaba byarakozwe mu kurushaho kumenya byimbitse amakuru ya buri muhanzi ukwiye kujya muri buri cyiciro.

Ibyo ukwiye kumenya ku bahanzi bagize icyiciro cy’abahanzi bakizamuka mu bihembo bya IMA

AFRIQUE

Afrique ni umuhanzi ukomeje kwigarurira imbaga y’abakunzi b’umuziki nyarwanda yakunzwe cyane mu ndirimbo yise Agatunda ikaba yarasohotse tariki ya Kane ugushyingo 2022,iyi ndirimbo ikaba imaze kurebwa n’abasaga miriyoni eshatu n’ibihumbi maganacyenda (Mu bigaragara ku rukuta rwe rwa YouTube),Uyu musore kandi yakoze izindi ndirimbo zirimo Rompe, Akanyenga,Amarangamutima, my Boo ndetse na Nyash yahuriyemo na Kateliye na Kandle bo mu gihugu cya Uganda.

Uyu muhanzi kandi mu bihe bitandukanye yagiye akorera ibitaramo hano imbere ndetse no hanze y’igihugu aho aheruka gukorera igitaramo I Dubai

BWIZA

Bwiza Emelance ni umuhanzikazi mushya muri uru ruganda rw’imyidagaduro mu Rwanda ukomeje kwigarurira imitima y’abatari bake. Muri kamena umwaka ushize wa 2021 nibwo uyu mukobwa byamenyekanye ko ariwe wahize abandi mu marushanwa yari yateguwe n’inzu ifasha abahanzi ya Kikas Music yitwaga Next Diva (Indi mbuto).

Uyu mukobwa nyuma yo gutsinda muri aya marushanwa yatangiye gukora ibihangano byiza kandi byakunzwe n’abatari bake ndetse atangira gukorana indirimbo zikomeye n’abahanzi bari basanzwe bakomeye muri uyu muziki barimo Rider Man bakoranye iyitwa Mi Amour, ndetse na mico the best bakoranye iyitwa Wibeshya.

Uyu mukobwa kandi muri icyo gihe cy’umwaka yagiye muri Uganda ahakorera indirimbo zirimbo Ready Remix yasubiranyemo na John Blaq ndetse na Warubizi yakoranye na Kateliya na Kandle nabo bagezweho Muri icyo gihugu. Kuva yatangira umuziki uyu muhanzikazi amaze gusohora ibihangano bigera kuri 13, amaze gukorana n’abahanzi banyuranye barimo Chriss Eazy, Kevin Skaa, Social Mula, John Blaq , Kateliya na Kandle ndetse na Rider Man.

YAMPANO

UWORIZAGWIRA Florien umaze kwamamara mu muziki nka Yampano ni Umusore nawe ukomeje kwigaragaza cyane muri uyu muziki benshi bakomeje kumukundira indirimbo zuje ubutumwa bwihariye aririmba zirimbo Uwomuntu, Uworizagwira, Mayibobo ndetse n’izindi zitanduka amaze gukora mu gihe cy’umwaka amenyekanye.

Uyu musore mu biganiro binyuranye yakundaga kugenda atangaza ko inganzo ye nawe imutungura kuko akenshi indirimbo ze zikundwa atarazisohora aho yakunze kujya ahamya ko yakundaga kuririmbira abantu tumwe mu duce. tw’ibihangano bye yabaga yahimbye agatungurwa no kumva abantu babikunze nawe akajya kuzikora muri studio gutyo.

uyu muhanzi mu gihe cy’umwaka amaze mu muziki, amaze gusohora ibihangano bisaga umunani muribyo harimo indirimbo yise inzira yahuriyeho na yvan mpano ndetse n’iyo yahuriyemo n’abarimo fireman,young kevin & mozzy.

JOWEST

Giribambe Joshua umaze kwamamara nka Jowest n’umwe mu basore bakunzwe n’abatari bake bitewe n’indirimbo ze zikomeje kwigaragaza kw’isoko ry’umuziki w’u Rwanda. Uyu Musore umaze igihe gito mu muziki nyarwanda amaze gukora ibihangano bitandukanye birimo Hejuru, Ndatinda ndetse n’agahapinesi ni umwe mu bakomeje kwigaragaza cyane muri uyu muziki.

Isango na muzika awards y’uyu mwaka wa 2022 ibihembo bizatangwa tariki ya 17 Ukuboza bibere muri ParkinnHotel mu Kiyovu, Uyu mwaka ibi bihembo byatewe inkunga na Forzza Game Rwanda ndetse na Alpha Entertainment