Kiny
Eng
Fr
Ibiro bya Perezida w'Uburusiya byapfobeje inama yegereje kuba hagati ya Perezida Putin na Zelensky
Gisubizo Philemon
Aug 20, 2025 - 11:43
Ibiro bya Perezida w'Uburusiya (Kremlin) byapfobeje ibivugwa by'inama yegereje kuba hagati ya Perezida w'Uburusiya Vladimir Putin na Perezida wa Ukraine Volodymyr Zelensky, mu gihe Perezida w'Amerika Donald Trump yongeye gusaba aba bategetsi bombi guhura bakaganira ku kurangiza intambara muri Ukraine.
kwamamaza
Uko gushaka ko haba inama y'impande zombi kubaye mu gihe Perezida w'Amerika yahuye na Putin mu cyumweru gishize muri leta ya Alaska muri Amerika, ndetse ku wa mbere w'iki cyumweru akakira abategetsi barindwi b'i Burayi na Zelensky mu biro bye bya White House.
Trump yemeye ko iyi ntambara igoye kuyirangiza ndetse yemera ko Perezida w'Uburusiya ashobora kuba adashishikajwe no kurangiza intambara.
Ku wa kabiri, Trump yagize ati: "Ibya Perezida Putin turabimenya nko mu byumweru bibiri biri imbere. Ashobora kuba adashaka amasezerano".
kwamamaza