Hagiye gutangizwa gahunda yo kongerera ubumenyi mu biruhuko abanyeshuri badatsinda neza

Hagiye gutangizwa gahunda yo kongerera ubumenyi mu biruhuko abanyeshuri badatsinda neza

Minisiteri y’uburezi mu Rwanda igiye gutangiza gahunda y’inzahurabumenyi izafasha abana badatsinda neza mu ishuri kongererwa ubumenyi mu gihe cy’ibiruhuko, ababyeyi bagaragaza ko iyi gahunda yari ikenewe cyane kuko hari aho abana batsindwaga kenshi mu ishuri bigatuma bahora basibira.

kwamamaza

 

Iyi gahunda yo kongerera ubumenyi abanyeshuri mu gihe cy’ibiruhuko, Minisiteri y’uburezi ivuga ko izaha amahirwe abanyeshuri batabasha gutsinda neza mu ishuri kugirango bagendane n’abandi.

Minisitiri w’uburezi Gaspard Twagirayezu ati "gahunda nzahurabumenyi ni gahunda yashyizweho igamije gufasha abanyeshuri kugirango bose bagendere hamwe, hari gahunda inzamurabumenyi ikorerwa ku ishuri ariko hari na gahunda turi guteganya gushyiraho izajya ikorwa rimwe na rimwe mu biruhuko bitewe n'uburyo ari ngombwa, iyi ni gahunda ikiri kunozwa impamvu yayo ni ukugirango abanyeshuri bagifite kugira aho bagera babe bahabwa ayo mahirwe yo gukomeza kwiyungura ubumenyi cyane cyane mu myaka 3 yambere y'amashuri abanza".     

Minisitiri Gaspard akomeza agaragaza impamvu zitandukanye zituma hari abanyeshuri badatsinda nkuko bikwiye zatumye iyi gahunda itekerezwaho.

Ati "dufite abanyeshuri benshi batangira mu mwaka wa mbere batari barize mu mashuri y'inshuke, hari aho tugifite ibibazo by'abanyeshuri benshi mu ishuri (ubucucike), hari aho tugifite abanyeshuri biga igihe gitoya, haba hari ibyo bibazo byinshi tuba turi kugirango turebe ko hari gahunda twashyiraho kugirango ifashe umunyeshuri kuba yagera aho twifuza ko twamugeza".    

Ababyeyi baganiriye na Isango Star bemeza ko iyi gahunda ije yari ikenewe ndetse bakagaragaza n’icyo bayitezeho.

Umwe ati "iyo gahunda ya leta y'inzahurabumenyi ibayeho yaba ari gahunda nziza ababyeyi bayumvise bakayiha uburemere bwayo yatanga umusaruro ushimishije wo kurwego rwo hejuru".   

Undi ati "byabafasha gufunguka mu mutwe kuko bazaba basubiramo amasomo bize batabashije kumenya".

Minisitiri w’uburezi Gaspard Twagirayezu avuga ko iyi gahunda izatanga umusaruro ufatika ariyo mpamvu iri gutegurwa neza.

Ati "iyi ni gahunda twizera ko yatanga umusaruro ariko ni gahunda tukinoza kugirango turebe, kubera ko niba ari gahunda igomba kuba mu biruhuko igomba gutegurwa neza".

Ibyo kuzatanga umusaruro kw’iyi gahunda abihurizaho n’ababyeyi bafite abana biga kuko ngo mu gihe cy’ibiruhuko hari abana baburaga icyo bakora kandi bakabaye bongererwa ubumenyi. Iyi gahunda initezweho kugabanya umubare cyane umubare w’abasibiraga kubera kubura amanota akwiye abimura mu cyiciro gikurikiyeho.

Inkuru ya Yassini Tuyishimire / Isango Star Kigali

 

kwamamaza

Hagiye gutangizwa gahunda yo kongerera ubumenyi mu biruhuko abanyeshuri badatsinda neza

Hagiye gutangizwa gahunda yo kongerera ubumenyi mu biruhuko abanyeshuri badatsinda neza

 Jul 10, 2024 - 08:59

Minisiteri y’uburezi mu Rwanda igiye gutangiza gahunda y’inzahurabumenyi izafasha abana badatsinda neza mu ishuri kongererwa ubumenyi mu gihe cy’ibiruhuko, ababyeyi bagaragaza ko iyi gahunda yari ikenewe cyane kuko hari aho abana batsindwaga kenshi mu ishuri bigatuma bahora basibira.

kwamamaza

Iyi gahunda yo kongerera ubumenyi abanyeshuri mu gihe cy’ibiruhuko, Minisiteri y’uburezi ivuga ko izaha amahirwe abanyeshuri batabasha gutsinda neza mu ishuri kugirango bagendane n’abandi.

Minisitiri w’uburezi Gaspard Twagirayezu ati "gahunda nzahurabumenyi ni gahunda yashyizweho igamije gufasha abanyeshuri kugirango bose bagendere hamwe, hari gahunda inzamurabumenyi ikorerwa ku ishuri ariko hari na gahunda turi guteganya gushyiraho izajya ikorwa rimwe na rimwe mu biruhuko bitewe n'uburyo ari ngombwa, iyi ni gahunda ikiri kunozwa impamvu yayo ni ukugirango abanyeshuri bagifite kugira aho bagera babe bahabwa ayo mahirwe yo gukomeza kwiyungura ubumenyi cyane cyane mu myaka 3 yambere y'amashuri abanza".     

Minisitiri Gaspard akomeza agaragaza impamvu zitandukanye zituma hari abanyeshuri badatsinda nkuko bikwiye zatumye iyi gahunda itekerezwaho.

Ati "dufite abanyeshuri benshi batangira mu mwaka wa mbere batari barize mu mashuri y'inshuke, hari aho tugifite ibibazo by'abanyeshuri benshi mu ishuri (ubucucike), hari aho tugifite abanyeshuri biga igihe gitoya, haba hari ibyo bibazo byinshi tuba turi kugirango turebe ko hari gahunda twashyiraho kugirango ifashe umunyeshuri kuba yagera aho twifuza ko twamugeza".    

Ababyeyi baganiriye na Isango Star bemeza ko iyi gahunda ije yari ikenewe ndetse bakagaragaza n’icyo bayitezeho.

Umwe ati "iyo gahunda ya leta y'inzahurabumenyi ibayeho yaba ari gahunda nziza ababyeyi bayumvise bakayiha uburemere bwayo yatanga umusaruro ushimishije wo kurwego rwo hejuru".   

Undi ati "byabafasha gufunguka mu mutwe kuko bazaba basubiramo amasomo bize batabashije kumenya".

Minisitiri w’uburezi Gaspard Twagirayezu avuga ko iyi gahunda izatanga umusaruro ufatika ariyo mpamvu iri gutegurwa neza.

Ati "iyi ni gahunda twizera ko yatanga umusaruro ariko ni gahunda tukinoza kugirango turebe, kubera ko niba ari gahunda igomba kuba mu biruhuko igomba gutegurwa neza".

Ibyo kuzatanga umusaruro kw’iyi gahunda abihurizaho n’ababyeyi bafite abana biga kuko ngo mu gihe cy’ibiruhuko hari abana baburaga icyo bakora kandi bakabaye bongererwa ubumenyi. Iyi gahunda initezweho kugabanya umubare cyane umubare w’abasibiraga kubera kubura amanota akwiye abimura mu cyiciro gikurikiyeho.

Inkuru ya Yassini Tuyishimire / Isango Star Kigali

kwamamaza