Kiny
Eng
Fr
![Sènègal: Perezida Kagame mu bihumbi byitabiriye itahwa rya Stade [REBA AMAFOTO]](https://www.isangostar.rw/uploads/images/2022/04/image_380x226_624d490a202cf.jpg){kind=small}
Bugesera FC yemeje Banamwana Camarade nk’umutoza wayo mushya
Uwajeneza Donatha
Jun 17, 2025 - 08:14
Ikipe ya Bugesera FC yatangaje ko yongereye amasezerano ya Banamwana Camarade, wamaze kuyemezwa nk’umutoza wayo mukuru mu mwaka w’imikino wa 2025–2026.
kwamamaza
Ni inkuru yemejwe n’ubuyobozi bw’iyi kipe ku wa Mbere tariki ya 16 Kamena (06) 2025, binyuze ku mbuga nkoranyambaga zayo. Camarade yasinyiye gutoza iyi kipe amasezerano y’umwaka umwe, ashobora kongerwa bitewe n’uko azitwara.
Banamwana Camarade yageze muri Bugesera FC muri Mata 2025, asanga ikipe iri mu bihe bikomeye byo kurwana no kutamanuka mu cyiciro cya kabiri. Yafashije ikipe kuguma mu cyiciro cya mbere nyuma yo gutsinda imikino ya nyuma ya shampiyona, byayihesheje kuguma mu bakina shampiyona y’icyiciro cya mbere.
Uyu mutoza kandi yahise ahagarika agahigo katari keza kari kamaze igihe muri Bugesera FC, aho yasanze itarabasha gutsindira umukino n’umwe ku kibuga cyayo ubwo yatozwaga na Haringingo Francis.
Mu myaka itatu ishize, Bugesera FC yabaga iri mu makipe arwana no kutamanuka. Ariko ubwo Camarade yayifataga, byatumye isoza shampiyona iri ku mwanya wa gatandatu, bikaba byaramuhesheje icyizere cyo gukomeza kuyitoza.
@ Darius Shumbusho/ Isango Star-Kigali
kwamamaza