Hashize ibyumweru birenga kuri bibiri hirya no hino mu gihugu hagwa imvura idasanzwe kandi ikagwa mu buryo buhoraho. Iyi mvura yangije ibikorwa bitandukanye hirya no hino birimo imihanda, amazu, amashuri ibiraro ndetse n’ibindi…Ibi kandi byiyongeraho n’abantu bahasize ubuzima nk’uko byagiye bitangazwa.

Umwe yagize ati: “Twagiye gucukura umucanga nuko dusangamo umuntu bitewe n’imvura! Erega ni danger! Abo mu kamenge[Kimisagara] barashize, abo muri Karabaye, imvura irahari mu gihugu hose! Ariko aha ku muhanda wa Kimisagara, ho iratuzengereje!”

Icyakora kugeza ubu haracyumvikana abavuga ko bahuye n’ingaruka z’ibiza by’iyi mvura yaguye ari nyinshi.

 Umuturage , ati: “Amazi amanuka mur’uyu muhanda ni menshi ndetse azanamo amabuye. Ariko [kuri pacifique] ikiraro baragiciye noneho akaba ariho amabuye aturuka. Abamotari bamwe baguyemo aha. Ubwo rero imbere ya Café hari ikibazo.”

Undi ati: “ iyo amanutse ruguru ava mu ishyamba  [mont Kigali] aza akubira iyi ruhurura bari kubaka noneho akazana amabuye akuzura hano mu biraro bigatua amazi azamuka akinjira mu ngo z’abaturage. Hamo mu nzu hose yagezemo, ibitanda byaragiye.”

Uretse aba, umuturage witwa Mudacogora William utuye mu murenge wa Gitega mu karere ka Nyarugenge, ari mu gahinda kenshi bitewe n’ iyi mvura yanamusigiye ubumuga na nubu akaba atarashobora kwivuza kubera ubushobozi buke akisabira ubufasha bwo kwivuza.

Mu kiganiro n’umunyamakuru w’Isango Star, yagize ati: “Nituye muri Ruhurura ndimo ngenda ngiye guhaha ibyo guteka nimugoroba noneho bimuviramo uburwayi bw’amaguru n’amaboko. Nagiye kwa muganga bambwira ko ngomba kujya kuvurirwa Faisal. Barambwira ngo keretse niba mfite miliyoni n’amafaranga y’u Rwanda. Ariko se ko nta kintu mfite kuburyo nagurisha ngo mbone miliyoni, nta n’undi muntu wamfasha ngo nyibone! Naragiye njya murugo ndaryama, nta kintu na kimwe mbasha gukora.”

“[Ibiza] byanteje ikibazo gikomeye, nk’ejo bundi inzu yaguye numva ariko kudahaguruka ngira amahirwe ifata amaguru nuko ndatabaza bankuramo. Maze iminsi , kuva ku italiki cumi n’esheshatu ndara hanze.”

Mugambira Etienne; umunyamabanga nshingwabikorwa w’umurenge wa Gitega, avuga ko icyo kibazo kimwe n’ibindi nk’ibyo babizi, ati: “Ni ikibazo cy’ibiza, mbonereho n’umwanya wo gusaba abaturage bacu ko muri iyi minsi turi kubona imvura idasanzwe, abafite ubushobozi bagerageze bagerageze bazirike ibisenge by’inzu kandi inzu babona zishobora gushyira ubuzima mu kaga, izo nzu muzivemo, tutagira umuturage wacu twatakaza.”

Yongeraho ko “ mu minsi yashize, hari imvura yaguye ari mbi noneho umuturage duturanye hano mu murenge wa Kimisagara yitabye Imana[umumotari imvura yishe]. Ubwo rero mbasabe abantu batuye muri za nzu babona ko zishobora kuba zashyira ubuzima bwanyu mu kaba mugerageze mwimuke.”

Alphonse Hishamunda; umukozi muri minisiteri isdhinzwe ubutabazi minema aravuga ko iyo abantu bangirirjwe n’ibiza nk’ibi by’imvura amakuru agomba kumenyekana kugirango bahabwe ubutabazi bw’ibanze n’ubwisumbuyeho

Ati: “ Icy’ingenzi ni uko amakuru y’ibintu byangijwe agomba kumenyekana. Ayo makuru rero aturuka mu mirenge, ku turere , aho bishoboka bagafashirizwa aho ngaho ku turere n’imirenge. Noneho iyo ari ibisaba ubundi bufasha …birashoboka ko babuhabwa. “

“Rero uturere dutanga raporo hanyuma hakaba gufasha byihuse. Ubufasha butandukanye buratangwa harimo ibikoresho biba byapfiriye mu nzu, icyo gihe abaturage barabihabwa: byaba ibiryamirwa…ni ubufasha bwose bukenewe , rwose nta kibazo kiraba igihe cyose raporo yatangiwe igihe. Ariko ntabwo dushishikariza abantu gufashwa ahubwo abantu nibakumire, birinde…”

Bimwe mu biza bikunze kugaragara bitewe n’imvura nyinshi harimo umuyaga mwinshi, imyuzure, inkangu ndetse n’inkuba.

Hashize ibyumweru birenga kuri bibiri hirya no hino mu gihugu hagwa imvura idasanzwe kandi ikagwa mu buryo buhoraho. Iyi mvura yangije ibikorwa bitandukanye hirya no hino birimo imihanda, amazu, amashuri ibiraro ndetse n’ibindi…Ibi kandi byiyongeraho n’abantu bahasize ubuzima nk’uko byagiye bitangazwa.

Umwe yagize ati: “Twagiye gucukura umucanga nuko dusangamo umuntu bitewe n’imvura! Erega ni danger! Abo mu kamenge[Kimisagara] barashize, abo muri Karabaye, imvura irahari mu gihugu hose! Ariko aha ku muhanda wa Kimisagara, ho iratuzengereje!”

Icyakora kugeza ubu haracyumvikana abavuga ko bahuye n’ingaruka z’ibiza by’iyi mvura yaguye ari nyinshi.

 Umuturage , ati: “Amazi amanuka mur’uyu muhanda ni menshi ndetse azanamo amabuye. Ariko [kuri pacifique] ikiraro baragiciye noneho akaba ariho amabuye aturuka. Abamotari bamwe baguyemo aha. Ubwo rero imbere ya Café hari ikibazo.”

Undi ati: “ iyo amanutse ruguru ava mu ishyamba  [mont Kigali] aza akubira iyi ruhurura bari kubaka noneho akazana amabuye akuzura hano mu biraro bigatua amazi azamuka akinjira mu ngo z’abaturage. Hamo mu nzu hose yagezemo, ibitanda byaragiye.”

Uretse aba, umuturage witwa Mudacogora William utuye mu murenge wa Gitega mu karere ka Nyarugenge, ari mu gahinda kenshi bitewe n’ iyi mvura yanamusigiye ubumuga na nubu akaba atarashobora kwivuza kubera ubushobozi buke akisabira ubufasha bwo kwivuza.

Mu kiganiro n’umunyamakuru w’Isango Star, yagize ati: “Nituye muri Ruhurura ndimo ngenda ngiye guhaha ibyo guteka nimugoroba noneho bimuviramo uburwayi bw’amaguru n’amaboko. Nagiye kwa muganga bambwira ko ngomba kujya kuvurirwa Faisal. Barambwira ngo keretse niba mfite miliyoni n’amafaranga y’u Rwanda. Ariko se ko nta kintu mfite kuburyo nagurisha ngo mbone miliyoni, nta n’undi muntu wamfasha ngo nyibone! Naragiye njya murugo ndaryama, nta kintu na kimwe mbasha gukora.”

“[Ibiza] byanteje ikibazo gikomeye, nk’ejo bundi inzu yaguye numva ariko kudahaguruka ngira amahirwe ifata amaguru nuko ndatabaza bankuramo. Maze iminsi , kuva ku italiki cumi n’esheshatu ndara hanze.”

Mugambira Etienne; umunyamabanga nshingwabikorwa w’umurenge wa Gitega, avuga ko icyo kibazo kimwe n’ibindi nk’ibyo babizi, ati: “Ni ikibazo cy’ibiza, mbonereho n’umwanya wo gusaba abaturage bacu ko muri iyi minsi turi kubona imvura idasanzwe, abafite ubushobozi bagerageze bagerageze bazirike ibisenge by’inzu kandi inzu babona zishobora gushyira ubuzima mu kaga, izo nzu muzivemo, tutagira umuturage wacu twatakaza.”

Yongeraho ko “ mu minsi yashize, hari imvura yaguye ari mbi noneho umuturage duturanye hano mu murenge wa Kimisagara yitabye Imana[umumotari imvura yishe]. Ubwo rero mbasabe abantu batuye muri za nzu babona ko zishobora kuba zashyira ubuzima bwanyu mu kaba mugerageze mwimuke.”

Alphonse Hishamunda; umukozi muri minisiteri isdhinzwe ubutabazi minema aravuga ko iyo abantu bangirirjwe n’ibiza nk’ibi by’imvura amakuru agomba kumenyekana kugirango bahabwe ubutabazi bw’ibanze n’ubwisumbuyeho

Ati: “ Icy’ingenzi ni uko amakuru y’ibintu byangijwe agomba kumenyekana. Ayo makuru rero aturuka mu mirenge, ku turere , aho bishoboka bagafashirizwa aho ngaho ku turere n’imirenge. Noneho iyo ari ibisaba ubundi bufasha …birashoboka ko babuhabwa. “

“Rero uturere dutanga raporo hanyuma hakaba gufasha byihuse. Ubufasha butandukanye buratangwa harimo ibikoresho biba byapfiriye mu nzu, icyo gihe abaturage barabihabwa: byaba ibiryamirwa…ni ubufasha bwose bukenewe , rwose nta kibazo kiraba igihe cyose raporo yatangiwe igihe. Ariko ntabwo dushishikariza abantu gufashwa ahubwo abantu nibakumire, birinde…”

Bimwe mu biza bikunze kugaragara bitewe n’imvura nyinshi harimo umuyaga mwinshi, imyuzure, inkangu ndetse n’inkuba.

<iframe width="560" height="315" src="https://www.youtube.com/embed/z5Rmeh0eCao" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

@ Berwa Gakuba Prudence/Isango Star-Kigali.