Kiny
Eng
Fr
Yanga African yatandukanye n'umutoza Nasreddine Nabi.
Uwajeneza Donatha
Jun 15, 2023 - 13:12
Ikipe ya yanga African yatandukanye n’uwari umutoza mukuru wayo nasreddine nabi ukomoka muri Tunisia yifuzaga gukomezanya nawe.
kwamamaza
Mu ijoro ryo kuri uyu wa gatatu, ku italiki ya 14 kamena (6) 2023, nibwo ikipe ya Yanga African yatangaje ko yatandukanye n’umutoza Nasreddine Nabi nyuma yo kumuhendahenda ngo yongere amasezerano ariko akanga.
Uyu mutoza yageze mu ikipe ya Yanga African muri mata (04) 2021, nyuma yaho yaramze iminsi yitwara neza atsinda amakipe muri Tanzania, ndetse no muri Africa muri rusange.
Mu myaka ibiri uyu mutoza amaze muri Yanga African yatwaranye nayo ibikombe bitandatu harimo bibiri bya shampiyona,ndetse uyu mwaka yatwaye ibikombe bitatu ndetse anakina umukino wa nyuma muri CAF confederation cup.
Nyuma y’uyu musaruro, ikipe ya Yanga African yifuje kongerera amasezerano uyu mutoza ndetse n'ibiganiro byabayeho hagati y’ikipe ndetse n’umutoza kuko ntibifuzaga impinduka muri iyikipe, gusa umutoza ntiyabyemera.
Yababwiye ko we akeneye impinduka no kugeragereza ahandi.
Amwe mu makipe yifuza uyu mutoza ni FAR RABAT yo muri Moroc,ES Tunis yo muri Tunisia,CR Belouizdad yo muri Algeria,ndetse na Kaizer chiefs yo muri South Africa ari nayo ifite amahirwe yo kumwegukana.
@Inkuru ya Blaise Gakunzi/Isango Star.
kwamamaza