Kiny
Eng
Fr
Chadrack Bingi Belo rutahizamu mushya wa Rayon Sports
Gisubizo Philemon
Jul 10, 2025 - 09:45
Rayon Sports yasinyishije Rutahizamu Chadrack Bingi Belo wakiniraga muri shampiyona yo muri Repubulika Iharanira Demokarasi ya Congo akaba yayisinyiye amasezerano y'imyaka ibiri ari muri Gikundiro.
kwamamaza
Chadrack Belo yatangajwe nk'umukinnyi mushya w'ikipe ya Rayon Sports ku gicamunsi cyo kuri uyu wa Gatatu tariki ya 9 Nyakanga 2025 ibinyujije ku mbuga nkoranyambaga zayo, isanzwe itangarizaho amakuru yayo, uyu mukinnyi afite imyaka 20 akaba yakiniraga ikipe ya Daring Club Motema Pembe (DCMP) y’iwabo muri Repuburika iharanira demokarasi ya Congo.
Chadrack Bingi Belo aje y'iyongera kubandi b'akinnyi ikipe ya Rayon Sports yamaze gusinyisha bashya barimo Musore Prince na Tambwe Gloire na myugariro Rushema Chris wavuye muri Mukura VS, umunyezamu Drissa Kouyaté ukomoka muri Mali, n’Umunyatunisia Mohammed Chelly.
Ikipe ya Rayon Sports ikomeje gusinyisha abakinnyi bashya muri uyu mwaka w'imikino mu rwego rwo kurushaho kwitegura amarushanwa izitabira harimo CAF Confederations cup, shampiyona y'u Rwanda ndetse n'igikombe cy'amahoro 2025/2026.
Mu mwaka ushize w’imikino Chadrack Bingi Belo yatsinze ibitego 10 muri Shampiyona mu gihe uwabanje yatsinze ibitego 13.
Yanditswe na Darius Shumbusho
kwamamaza