Kiny
Eng
Fr
USA: Abo mu ishyaka ry’aba-Republican bashinje Perezida Joe Biden kwirengagiza ukuri nyuma yo gutangaza aziyamamaza muri 2024.
Uwajeneza Donatha
Apr 25, 2023 - 14:43
Perezida wa Leta zunze ubumwe z’Amerika , Joe R. Biden, yamaze gutangaza ko azongera kwiyamamariza kuyobora iki gihugu muri manda ye ya kabiri , mu matora ateganyijwe umwaka utaha w’2024. Nyuma yo gutangaza iki cyemezo, abo mu ishyaka ry’aba-Republican rihangana bikomeye niry’aba-Democrates bamushinje kwirengagiza ukuri, akumva ko akwiye indi myaka ine ayobora Amerika.
kwamamaza
Joe R. Biden w’imyaka 80 y’amavuko yatangaje kur’uyu wa kabiri ko azongera guhatana ku mwanya w’umukuru w’igihugu, binyuze mu butumwa yatangaje yifashishije video yanyujije ku rukuta rwa Twitter.
Ayo mashusho atangizwa n’ay’abagabye igitero ku nyubako yubashwe y’inteko ishingamategeko [ Capitol] cyabaye ku ya 6 Mutarama (01) 2021, abashyigikiye Trump wari perezida bigaragambya bamagana intsinzi ye.
Muri ayo mashusho Biden yagize ati: “Igihe niyamamariza kuba perezida mu myaka ine ishize, navuze ko iyi yaba ari intambara yo kurwanira roho ya Amerika kandi n'ubu turacyahari. Iki ntabwo aricyo gihe cyo kunyurwa, niyo mpamvu niyamamariza kongera gutorwa. (...) Reka turangize akazi. Nzi ko dushoboye.”
Joe Biden akomeje gutsimbarara ko urugamba rukomeje nk'uko abivuga ku bijyanye n’ubwisanzure na demokarasi. Muri videwo ye, yamaganye ibitero byakozwe n’intagondwa z’aba-Republican bikibasira ubwisanzure bwa muntu.
Azonmgera guhatanira kuyobora Amerika hamwe na visi-perezida uriho ubu, Kamala Harris.
Iri tangazo rya Biden ryo kongera kwiyamamaza mu matora ry’umukuru w’igihugu yaritangaje mugihe hizihizwaga imyaka ine ishize,[ku ya 25 Mata 2020] we na Kamala Harris batangaje ko baziyamamaza muri manda yabo ya mbere, mu matora yambuye ubutegetsi Donald Trump.
Biden yavuze ko buri kiragano kiba gifite igihe cyacyo cyo kurwanirira demokarasi ndetse n’ubwisanzure bwabo. Ati: “ ndizera ko iyi nayo ari iyacu. Niyo mpamvu nongeye kwiyamamariza gutorerwa kuba Perezida wa Amerika. Twiyungeho. Reka turangize akazi”
KUgeza ubu, Perezida Biden nk’umudemocrate, inenge afite imbere y’abanyamerika ni imyaka ye ndetse no kuba abanyamerika bataratora umukuru w’igihugu usheshe akanguhe. Ndetse nta n’urajya muri White House kugeza ku myaka 86.
Nimugihe byaba ikibazo aramutse ahanganye n’abari mu myaka ikiri mikemu matora yo mu Ugushyingo (11) 2024, aho nk’izina rya guverineri w’intara ya Florida, Ron DeSantis, ufite imyaka 44 y'amavuko rikomeje kuvugwa nubwo we ataratangaza niba aziyamamaza ku myanwa wa Perezida.
Akimara gutangaza ko azongera kwiyamamariza kuyobora Amerika, abo mu Ishyaka ry’aba-Republican bamushinje kwirengagiza ukuri.
Uwitwa Ronna McDaniel, yagize ati: “Biden ntaho ahuriye n'ukuri ku buryo atekereza ko akwiye indi myaka ine ari ku butegetsi mu gihe ibyo akora byose ari uguteza ibibazo.”
kwamamaza