Kiny
Eng
Fr
Umusuwisikazi Marlen Reusser yegukanye shampiyona y’Isi y’Amagare ya 2025 mu gusiganwa n’igihe (Amafoto)
Gisubizo Philemon
Sep 21, 2025 - 14:36
Marlen Reusser yegukanye Shampiyona y’Isi y’Amagare ya 2025 mu gusiganwa n’igihe (Women Elite Individual Time Trial)
kwamamaza
Uyu Musuwisikazi Marlen Reusser ni we wegukanye iri siganwa, aho yakoresheje iminota 43,09 ku ntera ingana n’ibilometero 31,2.
Ku mwanya wa kabiri hari Anna van der Breggen ukomoka mu gihugu cy’u Buholandi aho yakoresheje amasegonda 51,89, ndetse ku mwanya wa gatatu naho haje Umuholandi Vollering Demi, asizwe umunota umwe n’amasegonda 24.
Ku ruhande rw’u Rwanda, abakinnyi babiri bahagarariye igihugu barimo Nirere Xaverine waje hafi, aba uwa 27 akoresheje iminota 50,07, arushwa iminota 6 n’amasegonda 58 n’uwabaye uwa mbere.
Ingabire Diane yabaye uwa 35 akoresheje iminota 52,57, arushwa iminota 9 n’amasegonda 48.
Muri rusange, abakinnyi 44 nibo bahatanye muri iri siganwa, aho abakinnyi babiri ba nyuma baje ari Abanya-Qatar, bakurikiye Umunya-Uganda Trinitah Namukasa.
Iri siganwa ribaye intangiriro y’icyumweru cy’amasiganwa atandukanye y’amagare i Kigali, aho hitezwe andi makuru akomeye mu byiciro bitandukanye bizakurikiraho.
kwamamaza