Kiny
Eng
Fr
Ukraine: Ibisasu bya misile zisaga 30 byarashwe, ibirenga 15 byoherejwe mu murwa mukuru.
Uwajeneza Donatha
Jan 26, 2023 - 10:15
Ibitero bya misile bikomeje kwiyongera muri Ukraine. Umuvugizi w’ingabo za Ukraine yatangaje mu gitondo cyo kur’uyu wa kane, ibisasu bya misile birenga 30 byarashwe n’Uburusiya hirya no hino mur’iki gihugu, cyane mu murwa mukuru Kiev.
kwamamaza
Umuvugizi Iouri Ignat, yagize ati: “Tu-95 esheshatu ziri mu karere ka ka Murmansk ko mu Burusiya zarashe misile. Hose hamwe zirarenga misile 30.”
Ignat ntiyagaragaje aho izi misile zarashwe ariko ibitangazamakuru byo mur’iki gihugu bivuga ko zatewe mu turere dutandukanye harimo n’umurwa mukuru Kiev, hashingiwe kuri za raporo zijyanye no kurinda ikirere zahawe ba guverineri.
Mu murwa mukuru Kiev harashwe misile zirenga 15!
Mu murwa mukuru Kiev ni hamwe mu hibasiwe n’ibitero bya misile z’Uburusiya, aho AFP ivuga ko muri misile zirenga 30 zarashwe, izirenga 15 zari zoherejwe mu muri Kiev. Icyakora inzego z’ubuyobozi zivuga ko zahanuwe .
Yifashishije Telegram, Vitali Klitschko; Umuyobozi w'umurwa mukuru wa Kiev, yagize ati: “Igisasu cyaturikiye muri Kiev! Guma mu buhungiro.”
Nyuma nibwo ubuyobozi bw’igisirikari cyo muri Kiev bwemeje ko ibisasu birenga 15 byoherejwe muri Kiev ariko hafi ya byose byarashwe mbere yo kugera mu murwa mukuru.
kwamamaza