Inteko ishingamategeko ya Uganda yagabanyije ubukana bw'umushinga w'itegeko rihana abakorana imibonano mpuzabitsina bagihuje bazwi nk'abatinganyi cyangwa [ LGBTQ+] mu gihe bavuze gusa ko ari abatinganyi.

kwamamaza

Ubwo uwo mushinga w'itegeko wemezwaga ku nshuro ya mbere muri Werurwe (03) uyu mwaka, warakaje bikomeye abaharanira uburenganzira bwa muntu.

Muri uyo mushinga, abaturage bari kuzajya bamenyesha abategetsi abantu bari mu butinganyi.

Impirimbanyi yabwiye BBC ko impaka kuri uwo mushinga w'itegeko zari zatumye habaho kugira ubwoba bw’uko kwibasira abatinganyi byiyongera.

Yagize ati:“Hari ukudushyiraho ibikangisho byinshi. Abantu barimo guhamagarwa kuri telefone bakabwirwa ngo nutampa amafaranga, ndagutangaza ko uri umutinganyi.”

Nyuma y’uko umushinga w'itegeko usubijwe mu nteko ishingamategeko ku busabe bwa Perezida Museveni ukorweho impinduka.

Yavuze ko ingingo ihana ko umuntu avuze gusa ko ari umutinganyi yari gutuma abantu bagezwa mu nkiko kubera isura yabo gusa.

Ubutinganyi bumaze igihe kirekire butemewe n'amategeko muri Uganda, nk'umurage w'ubutegetsi bwa gikoloni bw'Abongereza.

Nubwo uyu mushinga w'itegeko mushya wagabanyijwe ubukana ugereranyije n'igihe wagezwaga mu nteko bwa mbere, iri tegeko riracyari rimwe mu mategeko akaze cyane ahana abatinganyi ku mugabane w'Afurika.

Abafite inzu z'amacumbi bakodesha babizi neza ko abo bacumbikiye bagiye kuhakorera ubutinganyi, bafite ibyago byo gufungwa imyaka irindwi.

Uyu mushinga w'itegeko uracyateganya igihano cy'urupfu ku byo wita ibyaha bikaze cyane nko guhohotera abana.

Ndetse n'abaturage na bo bazasabwa kumenyesha abategetsi uburyo ubwo ari bwo bwose bw'ihohoterwa ry'ubutinganyi rikorewe abana cyangwa abantu b'intege nkeya.

Uwo mushinga w'itegeko wemejwe ku bwiganze bw'amajwi, umudepite umwe wenyine ni we utarawutoye. Ikigiye gukurikiraho ni uko Perezida Museveni awushyiraho umukono ugahinduka itegeko.

Uyu mushinga w'itegeko wakomeje kunengwa bikomeye n'imiryango mpuzamahanga iharanira uburenganzira bwa muntu.

Mu 2014, itegeko rimeze nk'iri ryateshejwe agaciro n'urukiko rurinda iremezo ry'itegekonshinga.

Abashakashatsi bo mu kigo Institute for Journalism and Social Change bakoze iyo raporo, bagize bati: “Myinshi muri iyi mishinga mu buryo butitezwe ivuga ko igamije gufasha uburenganzira bw'abagore ndetse ikavuga ko yibanda ku buringanire.”

Uganda: Itegeko rihana abatinganyi ryavuguruwe.

Uwajeneza Donatha May 3, 2023 - 11:30