Rwamagana: kutagira ikibuga bibangamira urubyiruko rushaka  kuzamura impano y'umupira w'amaguru.

Urubyiruko rwo mu murenge wa Munyiginya mur’aka karere rurasaba ko ikibuga cy'umupira w'amaguru cya Nyarubuye cyavugururwa kigakorwa neza, kuko kibangamira abashaka kuhazamurira impano y'umupira w'amaguru. Ubuyobozi bw'akarere buvuga ko iki kibuga kiri mu bizakorwa neza kugira ngo kibafashe kwidagadura mu buryo bwiza.

kwamamaza

 

Bamwe mu rubyiruko rwo mu murenge wa Munyiginya bavuga ko ikibuga cy'umupira w'amaguru cya Nyarubuye bahaye izina rya Sitade ‘umuyenzi’ bavuga ko kibangamiye ukuzamura impano zabo mu mupira w'amaguru bitewe n'uko kirimo ibinogo n'imigina.

Bavuga ko ibyo bituma hari bamwe bahavunikira nuko impano yabo ikazimira.

Umwe yagize ati: “nkanjye nkunze kuhakinira, kuriya kitameze neza kirimo ibintu by’imidunduguzi, kuba kidakoze neza hari imbogamizi ziba zirimo. Ariko mudufashije mukagikora byadufasha kwitwara neza kuko kwitoza harimo n’ibi bidunduguzi ntabwo biba bimeze neza.’

Undi ati: “hari udukipe twinshi tw’utudemi dutandukanye, hari abakuru n’abana batoya, nyine bari mu byiciro bitandukanye. Tubonye nk’abaduha ubufasha bakakidukorera twabasha gukora imyitozo neza tutavunika.”

Iruhande rw’ ibyo kandi, banavuga ko icyo kibuga ari gito, bagasaba ko cyakorwa neza kugira ngo bakomeze kuba irerero ry'amakipe yo muri Shampiyona y'u Rwanda.

 Umwe ati:“ bitewe n’uru rubyiruko rurimo kugenda ruza bari gutoza bakiri batoya, iki kibuga urabona ni gitoya, iyo bakigezemo bakirwaniramo! Ntabwo bagikwirwamo, bamwe bajya aha, abandi hariya…ukabona ikibuga ni gitoya. Turashaka inkunga yo kucyagura, kikaba kinini, bakacyubakira hanyuma bagakina bisanzuye.’

Mbonyumuvunyi Radjab; Umuyobozi w'akarere ka Rwamagana, avuga ko gahunda yo kubaka ibibuga by'umupira ahantu hatandukanye biri mu byihutirwa muri aka karere.

Avuga ko ibyo byanashyizwe no mu mihigo ya buri mwaka. Yizeza abakinira ku kibuga cya Nyarubuye cyo muri Munyiginya, ko nacyo kizavugururwa kugira ngo kibafashe kuzamura impano zabo mu mupira w'amaguru.

Ati: “ibijyanye n’ibibuga biri mu byihutirwa byacu, twanabishyize no mu mihigo. Kubaka ibibuga ku buryo buri mwaka tuzajya twubaka ibibuga.”

“ ntabwo tuvuze ko ari stade tuzubaka kuko iyo ku rwego rw’Akarere ntayo dufite. Ariko nibura kubaka ibibuga bibasha guhuriraho urubyiruko, bakaba bakina imikino itandukanye, bakidagadura, bagahurira hamwe ari benshi bakigishwa umuco , indangagaciro na kirazira, ibyo byose….”

“rero iki kibuga n’ibindi byose biri muri gahunda, uko tuzagenda tugira ubushobozi tuzagenda dutunganya ibyo bibuga kugira ngo bihuze urubyiruko.”

Ikibuga cy'umupira w'amaguru cya Nyarubuye giherereye muri Munyiginya kizwiho ko abahakinira bari mu byiciro bitandukanye by'imyaka kuva ku myaka 10 kuzamura.

Hari kandi abahazamurira impano yabo y'umupira w'amaguru bigatuma bagira amahirwe yo gukina mu makipe yo mu kiciro cya mbere n'icya kabiri muri Shampiyona y'u Rwanda.

Aha niho Urubyiruko ruhera rusaba ko gikorwa kugira ngo izo mpano zikomeze zitezwe imbere.

@ Djamali Habarurema/Isango Star-Rwamagana.

 

kwamamaza

Rwamagana: kutagira ikibuga bibangamira urubyiruko rushaka  kuzamura impano y'umupira w'amaguru.

 Oct 10, 2023 - 14:30

Urubyiruko rwo mu murenge wa Munyiginya mur’aka karere rurasaba ko ikibuga cy'umupira w'amaguru cya Nyarubuye cyavugururwa kigakorwa neza, kuko kibangamira abashaka kuhazamurira impano y'umupira w'amaguru. Ubuyobozi bw'akarere buvuga ko iki kibuga kiri mu bizakorwa neza kugira ngo kibafashe kwidagadura mu buryo bwiza.

kwamamaza

Bamwe mu rubyiruko rwo mu murenge wa Munyiginya bavuga ko ikibuga cy'umupira w'amaguru cya Nyarubuye bahaye izina rya Sitade ‘umuyenzi’ bavuga ko kibangamiye ukuzamura impano zabo mu mupira w'amaguru bitewe n'uko kirimo ibinogo n'imigina.

Bavuga ko ibyo bituma hari bamwe bahavunikira nuko impano yabo ikazimira.

Umwe yagize ati: “nkanjye nkunze kuhakinira, kuriya kitameze neza kirimo ibintu by’imidunduguzi, kuba kidakoze neza hari imbogamizi ziba zirimo. Ariko mudufashije mukagikora byadufasha kwitwara neza kuko kwitoza harimo n’ibi bidunduguzi ntabwo biba bimeze neza.’

Undi ati: “hari udukipe twinshi tw’utudemi dutandukanye, hari abakuru n’abana batoya, nyine bari mu byiciro bitandukanye. Tubonye nk’abaduha ubufasha bakakidukorera twabasha gukora imyitozo neza tutavunika.”

Iruhande rw’ ibyo kandi, banavuga ko icyo kibuga ari gito, bagasaba ko cyakorwa neza kugira ngo bakomeze kuba irerero ry'amakipe yo muri Shampiyona y'u Rwanda.

 Umwe ati:“ bitewe n’uru rubyiruko rurimo kugenda ruza bari gutoza bakiri batoya, iki kibuga urabona ni gitoya, iyo bakigezemo bakirwaniramo! Ntabwo bagikwirwamo, bamwe bajya aha, abandi hariya…ukabona ikibuga ni gitoya. Turashaka inkunga yo kucyagura, kikaba kinini, bakacyubakira hanyuma bagakina bisanzuye.’

Mbonyumuvunyi Radjab; Umuyobozi w'akarere ka Rwamagana, avuga ko gahunda yo kubaka ibibuga by'umupira ahantu hatandukanye biri mu byihutirwa muri aka karere.

Avuga ko ibyo byanashyizwe no mu mihigo ya buri mwaka. Yizeza abakinira ku kibuga cya Nyarubuye cyo muri Munyiginya, ko nacyo kizavugururwa kugira ngo kibafashe kuzamura impano zabo mu mupira w'amaguru.

Ati: “ibijyanye n’ibibuga biri mu byihutirwa byacu, twanabishyize no mu mihigo. Kubaka ibibuga ku buryo buri mwaka tuzajya twubaka ibibuga.”

“ ntabwo tuvuze ko ari stade tuzubaka kuko iyo ku rwego rw’Akarere ntayo dufite. Ariko nibura kubaka ibibuga bibasha guhuriraho urubyiruko, bakaba bakina imikino itandukanye, bakidagadura, bagahurira hamwe ari benshi bakigishwa umuco , indangagaciro na kirazira, ibyo byose….”

“rero iki kibuga n’ibindi byose biri muri gahunda, uko tuzagenda tugira ubushobozi tuzagenda dutunganya ibyo bibuga kugira ngo bihuze urubyiruko.”

Ikibuga cy'umupira w'amaguru cya Nyarubuye giherereye muri Munyiginya kizwiho ko abahakinira bari mu byiciro bitandukanye by'imyaka kuva ku myaka 10 kuzamura.

Hari kandi abahazamurira impano yabo y'umupira w'amaguru bigatuma bagira amahirwe yo gukina mu makipe yo mu kiciro cya mbere n'icya kabiri muri Shampiyona y'u Rwanda.

Aha niho Urubyiruko ruhera rusaba ko gikorwa kugira ngo izo mpano zikomeze zitezwe imbere.

@ Djamali Habarurema/Isango Star-Rwamagana.

kwamamaza