Rwamagana: Bamaze amezi 3 nta mazi kubera iyangirika ry’amatiyo!

Bamwe mu baturage baravuga ko bamaze amezi atatu nta mazi bafite bitewe n'ikorwa ry'umuhanda ryo mu murenge wa Gishali ryangirije amatiyo, ubwo kuyasana nabyo bikaba bisaba ko hari icyo baha abayasana. Ubuyobozi bw'akarere ka Rwamagana bwijeje abaturage ko bagiye gusaba abawukora gusana ayo matiyo yangirijwe kugira ngo bongere babone amazi, nubwo gukora umuhanda bitararangira.

kwamamaza

 

Bamwe mu baturage bo mu murenge wa Gishali baturiye umuhanda urimo gukora uturuka ku gasoko k'ahazwi nko kwa Manuel ukagera ku ruganda rw'indabo rwa Bella Flowers mu murenge wa Gishali. Aba baturage bavuga ko abakora uwo muhanda baciye amatiyo atuma babona amazi ku buryo baheruka kuyabona mu gihe kingana n'amezi atatu ashize.

Bavuga ko bategereje ko abakora uwo muhanda basana ayo matiyo kugira ngo bongere kuvoma, ariko batangazwa n'uko hasanwa aya bamwe andi ntasanwe.

Umwe yagize ati: “nta mazi dufite muri makeya kandi twari tuyafite. Bubatse umuhanda nuko amazi barayaca ntibongera kuyagira nkuko yarameze. Twabuze aho tubariza! Urumva niba babikaze ntibongere ngo babisubiranye, wamenya ari nde ubikora?”

Undi ati: “ ariko abafashe isoko ryo gukora uyu muhanda baraje noneho za mashini zabo zitema ya matiyo yacu y’ambukiranya, nuko barangije aho kugira ngo bayasane barayatabataba gusa.”

“ Bagiye basanira bamwe, bagasimbuka bagasanira undi! Utabarebye ntibamusanire! Njyewe narabakurikiranye kugera na n’uyu munsi.”

Bavuga ibyo nabyo bisaba gutanga amafaranga bayaha abakora uwo muhanda.Bityo bagasaba ko nabo basanirwa amazi kuko kuyabona bisigaye bigoye.

 Umwe ati: “ umwe arakubwira ati dore ubishinzwe ni uriya, wamugeraho akakubwira ati si njyewe ushinzwe stock! amazi yacu, turasaba yuko iyo miyoboro bayisana tukabona amazi.”

Undi ati:“ turagira ngo dusabe ubuyobozi, bushyiremo imbaraga nuko aya mazi yacu bayadusubize nkuko byari bimeze mbere.”

Mbonyumuvunyi Radjab; Umuyobozi w'akarere ka Rwamagana, avuga ko amasezerano bafitanye na rwiyemezamirimo ukora umuhanda ari uko azishyurwa abanje gusana ibyangiritse.

Avuiga ko kuba n'umuhanda utarashyirwamo kaburimbo, abaturage bakwiye kwihangana kuko ibyangirijwe byose bizasanwa.

Gusa yibizeza ko amazi yo agomba gusanwa mbere, n'ibikorwa byo gukora umuhanda bitararangira.

Ati: “amasezerano dufitanye na rwiyemezamirimo avuga yuko ibikorwaremezo bizangirika birimo amazi, amashanyarazi, ibiraro n’ibindi azabisubizaho. Nkuko mwabibonye rero, ntabwo aragera no muri kimwe cya kabiri cy’umushinga, biracyarimo gukorwa.”

“ariko icyo twihutiye gukora kuko amazi ari ubuzima, ari ikintu gikomeye, ni ugukora urutonde kugira ngo uwaciriwe itiyo y’amazi wese isubireho. Ikintu cyitwa amazi, amashanyarazi byo bisubiramo mbere. Hanyuma nk’ibiraro n’ibindi bigakomeza kugenda biza gahoro gahoro.”

Uretse amatito y’amazi abaturage bavuga ko yangirijwe n'ikorwa ry'umuhanda uturuka ku gasoko ko Kwa Manueli ukagera ku ruganda rw'indabo rwa Bella Flowers, bagaragaza ko n'ibiraro imodoka zambukiraho zijyanye ibicuruzwa ku mazu ari hakurya y'uwo muhanda byarangiritse.

Gusa ngo kubishyiraho nabyo bisaba ko umuntu aha amafaranga abakora uwo muhanda, bakavuga ko ayo mafaranga nayo ari mu bwoko bwa ruswa, bityo bagasaba ubuyobozi gukurikirana icyo kibazo.

@ Djamali Habarurema/Isango Star-Rwamagana.

 

kwamamaza

Rwamagana: Bamaze amezi 3 nta mazi kubera iyangirika ry’amatiyo!

 Nov 24, 2023 - 18:57

Bamwe mu baturage baravuga ko bamaze amezi atatu nta mazi bafite bitewe n'ikorwa ry'umuhanda ryo mu murenge wa Gishali ryangirije amatiyo, ubwo kuyasana nabyo bikaba bisaba ko hari icyo baha abayasana. Ubuyobozi bw'akarere ka Rwamagana bwijeje abaturage ko bagiye gusaba abawukora gusana ayo matiyo yangirijwe kugira ngo bongere babone amazi, nubwo gukora umuhanda bitararangira.

kwamamaza

Bamwe mu baturage bo mu murenge wa Gishali baturiye umuhanda urimo gukora uturuka ku gasoko k'ahazwi nko kwa Manuel ukagera ku ruganda rw'indabo rwa Bella Flowers mu murenge wa Gishali. Aba baturage bavuga ko abakora uwo muhanda baciye amatiyo atuma babona amazi ku buryo baheruka kuyabona mu gihe kingana n'amezi atatu ashize.

Bavuga ko bategereje ko abakora uwo muhanda basana ayo matiyo kugira ngo bongere kuvoma, ariko batangazwa n'uko hasanwa aya bamwe andi ntasanwe.

Umwe yagize ati: “nta mazi dufite muri makeya kandi twari tuyafite. Bubatse umuhanda nuko amazi barayaca ntibongera kuyagira nkuko yarameze. Twabuze aho tubariza! Urumva niba babikaze ntibongere ngo babisubiranye, wamenya ari nde ubikora?”

Undi ati: “ ariko abafashe isoko ryo gukora uyu muhanda baraje noneho za mashini zabo zitema ya matiyo yacu y’ambukiranya, nuko barangije aho kugira ngo bayasane barayatabataba gusa.”

“ Bagiye basanira bamwe, bagasimbuka bagasanira undi! Utabarebye ntibamusanire! Njyewe narabakurikiranye kugera na n’uyu munsi.”

Bavuga ibyo nabyo bisaba gutanga amafaranga bayaha abakora uwo muhanda.Bityo bagasaba ko nabo basanirwa amazi kuko kuyabona bisigaye bigoye.

 Umwe ati: “ umwe arakubwira ati dore ubishinzwe ni uriya, wamugeraho akakubwira ati si njyewe ushinzwe stock! amazi yacu, turasaba yuko iyo miyoboro bayisana tukabona amazi.”

Undi ati:“ turagira ngo dusabe ubuyobozi, bushyiremo imbaraga nuko aya mazi yacu bayadusubize nkuko byari bimeze mbere.”

Mbonyumuvunyi Radjab; Umuyobozi w'akarere ka Rwamagana, avuga ko amasezerano bafitanye na rwiyemezamirimo ukora umuhanda ari uko azishyurwa abanje gusana ibyangiritse.

Avuiga ko kuba n'umuhanda utarashyirwamo kaburimbo, abaturage bakwiye kwihangana kuko ibyangirijwe byose bizasanwa.

Gusa yibizeza ko amazi yo agomba gusanwa mbere, n'ibikorwa byo gukora umuhanda bitararangira.

Ati: “amasezerano dufitanye na rwiyemezamirimo avuga yuko ibikorwaremezo bizangirika birimo amazi, amashanyarazi, ibiraro n’ibindi azabisubizaho. Nkuko mwabibonye rero, ntabwo aragera no muri kimwe cya kabiri cy’umushinga, biracyarimo gukorwa.”

“ariko icyo twihutiye gukora kuko amazi ari ubuzima, ari ikintu gikomeye, ni ugukora urutonde kugira ngo uwaciriwe itiyo y’amazi wese isubireho. Ikintu cyitwa amazi, amashanyarazi byo bisubiramo mbere. Hanyuma nk’ibiraro n’ibindi bigakomeza kugenda biza gahoro gahoro.”

Uretse amatito y’amazi abaturage bavuga ko yangirijwe n'ikorwa ry'umuhanda uturuka ku gasoko ko Kwa Manueli ukagera ku ruganda rw'indabo rwa Bella Flowers, bagaragaza ko n'ibiraro imodoka zambukiraho zijyanye ibicuruzwa ku mazu ari hakurya y'uwo muhanda byarangiritse.

Gusa ngo kubishyiraho nabyo bisaba ko umuntu aha amafaranga abakora uwo muhanda, bakavuga ko ayo mafaranga nayo ari mu bwoko bwa ruswa, bityo bagasaba ubuyobozi gukurikirana icyo kibazo.

@ Djamali Habarurema/Isango Star-Rwamagana.

kwamamaza