RSSB gutinda kwishyura inyemezabwishyu bituma serivise z'ubuzima zidatangwa neza

RSSB gutinda kwishyura inyemezabwishyu bituma serivise z'ubuzima zidatangwa neza

Muri gahunda yo guharanira impinduka nziza mu buzima mu karere ka Nyarugenge, abafite aho bahuriye n'ibikorwa by’ubuzima ndetse n’abafatanyabikorwa, kuri uyu wa Kane bahuriye mu nama nkuru y’ubuzima igamije kurebera hamwe uko ubuzima buhagaze mu karere ndetse n’imitangire ya serivise, kugirango habeho gukosora ibitagenda .

kwamamaza

 

Muri uku kurebera hamwe imitangire ya serivise z’ubuzima mu karere ka Nyarugenge abayirimo biganjemo abakora mu bitaro, ama Farumasi, ibigo nderabuzima ndetse na Poste de sante, bose bakunze gutsindagira cyane kuri RSSB ku gutinda kwishyurwa inyemezabwishyu bigatuma serivise zihabwa abarwayi zidatangwa neza.

Umuyobozi nshingwabikorwa wungirije w’akarere ka Nyarugenge Nshutiraguma Esperance avuga ko hagiye kongerwamo imbaraga mu mikorere n'imikoranire kugirango serivise zibashe kunozwa.

Ati "tugiye kureba niba ibitureba mu gutanga inyemezabwishyu zitangirwa ku gihe cyangwa aharimo ubutinde tubinoze, niba bitinda ku rwego rwo hejuru tubasabe kugirango bihute ariko umuturage abashe kwivuza kuko ubwisungane baba babwikuyemo, bakeneye kugirango bavurwe banagire umuhate wo kuba batanga ubwisungane biboroheye atari ugushyiramo imbaraga, amavuriro n'atishyurwa na wa muturage bizagorana kuko ubushobozi buzaba buri hasi". 

Mukandoli Salaphine umuyobozi uhagarariye ibigo nderabuzima byose bikorera mu karere ka Nyarugenge we avuga ko imikorere ya RSSB idakosowe vuba hari ibigo nderabuzima byafunga imiryango kubera igihombo baterwa no gutinda kwishyurwa amafaranga baba bakoresheje.

Ati "kwishyura inzu, kwishyura abakozi ndetse no kurangura imiti biratugoye cyane ku buryo bikomeje kugenda gutya abenshi ibigo nderabuzima byahagarara, twe inyemezabwishyu tuyitangira ku gihe kubera ko nta handi dukura umushahara tuba tugomba kwihutisha inyemezabwishyu kugirango tubashe kwishyurwa".

Umuyobozi wa RSSB mu karere ka Nyarugenge Bwana Rugerinyange Epaphrodite avuga ko kuba hari ibitaro n’ibigo nderabuzima ndetse na za Poste de sante bitabonera amafaranga kugihe ari uko hari inyemezabwishyu ziba zitakozwe neza bityo hakaba n'izishobora kumara igihe kirenze amezi 3 zitishyuwe bikaba ari uburyo bushya bari gukoresha buzatuma byihutisha kwishyurwa.

Ati "ntabwo navuga ko ikibazo kidahari, kirahari, RSSB nayo yabonye ko hari uko yabiteganyaga atariko byagenze ariyo mpamvu tugenda tureba ahari ibibazo tugashakisha ibisubizo, aho tubona hari imbogamizi tukagenda dushyiramo imbaraga kugirango turebe ko byarushaho gufasha ibigo nderabuzima mu kwishyuza RSSB ku gihe".

Akarere ka Nyarugenge muri gahunda yo kwita kubuzima no kunoza serivise z'ubuzima mubipimo by’umwaka ushize bari kugipimo gishimishije kingana na 80%. Aka karere gatuwe n’abaturage bangana na 374,319, gafite ibigo nderabuzima 10, ibitaro 2, na poste de sante 36.

Inkuru ya Emilienne Kayitesi / Isango Star Kigali

 

kwamamaza

RSSB gutinda kwishyura inyemezabwishyu bituma serivise z'ubuzima zidatangwa neza

RSSB gutinda kwishyura inyemezabwishyu bituma serivise z'ubuzima zidatangwa neza

 Nov 3, 2023 - 13:29

Muri gahunda yo guharanira impinduka nziza mu buzima mu karere ka Nyarugenge, abafite aho bahuriye n'ibikorwa by’ubuzima ndetse n’abafatanyabikorwa, kuri uyu wa Kane bahuriye mu nama nkuru y’ubuzima igamije kurebera hamwe uko ubuzima buhagaze mu karere ndetse n’imitangire ya serivise, kugirango habeho gukosora ibitagenda .

kwamamaza

Muri uku kurebera hamwe imitangire ya serivise z’ubuzima mu karere ka Nyarugenge abayirimo biganjemo abakora mu bitaro, ama Farumasi, ibigo nderabuzima ndetse na Poste de sante, bose bakunze gutsindagira cyane kuri RSSB ku gutinda kwishyurwa inyemezabwishyu bigatuma serivise zihabwa abarwayi zidatangwa neza.

Umuyobozi nshingwabikorwa wungirije w’akarere ka Nyarugenge Nshutiraguma Esperance avuga ko hagiye kongerwamo imbaraga mu mikorere n'imikoranire kugirango serivise zibashe kunozwa.

Ati "tugiye kureba niba ibitureba mu gutanga inyemezabwishyu zitangirwa ku gihe cyangwa aharimo ubutinde tubinoze, niba bitinda ku rwego rwo hejuru tubasabe kugirango bihute ariko umuturage abashe kwivuza kuko ubwisungane baba babwikuyemo, bakeneye kugirango bavurwe banagire umuhate wo kuba batanga ubwisungane biboroheye atari ugushyiramo imbaraga, amavuriro n'atishyurwa na wa muturage bizagorana kuko ubushobozi buzaba buri hasi". 

Mukandoli Salaphine umuyobozi uhagarariye ibigo nderabuzima byose bikorera mu karere ka Nyarugenge we avuga ko imikorere ya RSSB idakosowe vuba hari ibigo nderabuzima byafunga imiryango kubera igihombo baterwa no gutinda kwishyurwa amafaranga baba bakoresheje.

Ati "kwishyura inzu, kwishyura abakozi ndetse no kurangura imiti biratugoye cyane ku buryo bikomeje kugenda gutya abenshi ibigo nderabuzima byahagarara, twe inyemezabwishyu tuyitangira ku gihe kubera ko nta handi dukura umushahara tuba tugomba kwihutisha inyemezabwishyu kugirango tubashe kwishyurwa".

Umuyobozi wa RSSB mu karere ka Nyarugenge Bwana Rugerinyange Epaphrodite avuga ko kuba hari ibitaro n’ibigo nderabuzima ndetse na za Poste de sante bitabonera amafaranga kugihe ari uko hari inyemezabwishyu ziba zitakozwe neza bityo hakaba n'izishobora kumara igihe kirenze amezi 3 zitishyuwe bikaba ari uburyo bushya bari gukoresha buzatuma byihutisha kwishyurwa.

Ati "ntabwo navuga ko ikibazo kidahari, kirahari, RSSB nayo yabonye ko hari uko yabiteganyaga atariko byagenze ariyo mpamvu tugenda tureba ahari ibibazo tugashakisha ibisubizo, aho tubona hari imbogamizi tukagenda dushyiramo imbaraga kugirango turebe ko byarushaho gufasha ibigo nderabuzima mu kwishyuza RSSB ku gihe".

Akarere ka Nyarugenge muri gahunda yo kwita kubuzima no kunoza serivise z'ubuzima mubipimo by’umwaka ushize bari kugipimo gishimishije kingana na 80%. Aka karere gatuwe n’abaturage bangana na 374,319, gafite ibigo nderabuzima 10, ibitaro 2, na poste de sante 36.

Inkuru ya Emilienne Kayitesi / Isango Star Kigali

kwamamaza