Kiny
Eng
Fr
Croix-Rouge yerekeje muri Gaza kwakira imbohe zikiri nzima, mugihe hitegurwa gusinya amasezerano y'amahoro hagati ya Hamas na Israeli
Uwajeneza Donatha
Oct 13, 2025 - 07:50
Igisirikari cya Israeli cyemweje ko umuryango CrCroix-Rouge werekeje mu majyaruguru ya Gaza, aho igiye kwakira ab'Israeli bakiri bazima bari barafashwe bugwate n'umutwe wa Hamas. Ni intambwe ikomeye mu ishyirwa mu bikorwa ry’amasezerano y’agahenge hagati ya Israel na Hamas, agamije kurangiza intambara imaze amezi menshi mu gace ka Gaza. Ni mu gihe impande zombi ziteguye gusinya amasezerano y'amahoro.
kwamamaza
Umuvugizi wa Minisitiri w’Intebe wa Israel, Shosh Bedrosian, yatangaje ko ab'Israeli 20 bakiri bazima aribo barekurwa kuri uyu wa Mbere”, mu gihe Israel nayo irekura Abanyapalestina bagama bari bafungiye mu gihugu cyayo.
Yongeyeho ko “abari imfungwa 20 bakiri bazima barashyikirizwa Croix-Rouge icyarimwe”, naho imirambo y’abandi iracyashakishwa n’urwego mpuzamahanga rwashyizweho muri ayo masezerano.
Umutwe wa Hamas, mu gitondo cyo ku wa Mbere, ku ya 13 Ukwakira (10) 2025, watangaje urutonde rw’imfungwa z'ab'Israeli 20 bararekurwa, nk’uko biteganyijwe mu guhererekanya imfungwa hagati y’impande zombi.
Mu gihe abaturage ibihumbi bateraniye mu kibanza cyitiriwe izi mfungwa i Tel-Aviv, bategereje amakuru y’irekurwa ry’ababo bafashwe kuva ku ya 7 Ukwakira (10)2023.
Ku rundi ruhande, Perezida wa Leta Zunze Ubumwe za Amerika Donald Trump ari mu rugendo rwerekeza mu Burasirazuba bwo Hagati. Biteganyijwe ko agera muri Israeli agahita agirana ibiganiro na Minisitiri w’Intebe Benyamin Netanyahu, mbere yo kwerekeza i Charm el-Cheikh mu Misiri, aho azayobora Inama y’Amahoro ku Gaza hamwe na Perezida Abdel Fattah al-Sissi.
Iyo nama izitabirwa n’abayobozi barenga 20 b’ibihugu bitandukanye ndetse n’Umunyamabanga Mukuru w’Umuryango w’Abibumbye, Antonio Guterres.
Mu rugendo rwe, Trump yavuze ati: “Intambara yarangiye. Murabyumva?”—amagambo yatumye benshi babona icyizere cy’uko amahoro muri Gaza ashobora kuba ageze hafi. Ni mugihe hitezwe gusinya amasezerano y'amahoro.
@rfi
kwamamaza