Kiny
Eng
Fr
BASKETBALL: ikipe ya APR WBBC yegukanye igikombe cya Zone 5 itsinze REG WBBC.
SHUMBUSHO Darius
Nov 16, 2025 - 07:11
APR WBBC yatsinze REG WBBC ku mukino wa nyuma wa Zone 5 mw'irushanwa ryaberaga i Nairobi muri Kenya ryasojwe kuri uyu wa gatandatu tariki ya 15 Ugushyingo 2025 mu mukino wamaboko wa Basketball.
kwamamaza
Ni umukino wagiye gutangira aya makipe yombi yo mu Rwanda yari ataratsindwa umukino n'umwe muri iri rushanwa rya Zone 5, ikipe ya REG Wbbc yahabwaga amahirwe yo kwegukana iki gikombe kuko mu mikino icumi yaherukaga guhuza aya makipe APR WBBC ntiyarizi gutsinda REG WBBC uko bisa mu marushanwa yose bahuriyemo harimo na shampiyona.
Nubwo APR WBBC itahabwaga amahirwe menshi imbere ya REG WBBC yatangiranye imbara mu Agace ka mbere karangiye iyoboye umukino n’amanota 22 kuri 12 ya REG WBBC, ntibyarangiriye aho kuko no mu gace ka kabiri kasojwe Ikipe ga APR WBBC ikayoboye ku manota 18-16 igice cya mbere cy'umukino cyarangiye APR WBBC iri imbere ku manota 40-28 ya REG WBBC.
Mu gace ka gatatu gatangira igice cya kabiri ikipe ya REG WBBC yagarukanye imbaraga ishaka kwishyura amanota yari yatsinzwe mu gice cya mbere maze aga kace igasoza itsinzemo amanota 29 kuri 19 ya APR WBBC, abakunzi baya makipe bakomeza gushidikanya kuri ekipe yegukana iki gikombe, agace ka kane ari nako kasoje umukino wose kasize ikipe ya ikipe ya APR WBBC yari yatangiye neza uyu mukino igatsinze ndetse inatsinda umukino muri rusange.
Kuko APR WBBC yasoje umukino ifite amanota 82 kuri 68 ya REG WBBC, icyunyuranyo cy'amanota 14", APR WBBC ibaye yegukanye igikombe cya Zone 5 2025,
Umukino warangiye APR WBBC yatsinze REG WBBC amanota 82-68 yegukana Igikombe cya Zone 5 cyaberaga i Nairobi muri Kenya, nyuma yo kugera ku mukino wa nyuma yombi ndetse na (KPA) Kenya Ports Authority yegukanye umwanya wa gatatu zizahagarira akarere ka gatanu Zone 5 mu Mikino Nyafurika ya Africa Women’s Basketball League izabera i Cairo mu Misiri mu kwezi ku Kuboza 2025.
kwamamaza