Kiny
Eng
Fr
APR VC yasezerewe mu mikino ya 1/2 muri CAVB Club Championship 2025
Uwajeneza Donatha
Apr 28, 2025 - 23:33
APR VC yasezerewe mu mikino nyafurika y'amakipe yitwaye neza mu bihugu byayo "CAVB Club Championship" muri ½ nyuma yo gutsindwa na Swehly yo muri Libya amaseti 3-1, maze inzozi ziyiganisha ku gikombe zirangirira muri iki cyiciro.
kwamamaza
Uyu mukino watangiye ugora ikipe y'ingabo z'igihugu cy'u Rwanda kuko batsinzwe amaseti abiri yose yikurikiranya ku manota 25-17, iya kabiri na yo iyitsindwa ku manota 25-18.
Gusa muri seti ya gatatu, APR VC yakosoye amakosa yari yakoze maze itsinda seti ya gatatu ku buryo bitoroshye ku manota 29-27 ya Swehly, maze iba seti ya mbere ikipe ya Swehly yinjijwe kuva iri rushanwa ryatangira.
Mu gihe APR VC yari iri kwisuganya ngo irebe ko yatsinda indi seti ndibyatinze kuko ikipe ya Swehly yahise itsinda seti ya kane ku manota 25-22, APR VC ihita isezererwa.
Iyi mikino yatangiye ku tariki ya 19 Mata (04) 2025, iri kubera muri Libya mu mujyi wa Misrata. Kuri uyu wa mbere, ku itariki ya 24 Mata (04) 2025, ni bwo hakinwe imikino ya ½ cy’iri rushanwa APR VC yari yagezemo nyuma yo kwitwara neza mu byiciro byabanje.
Ni ku nshuro ya mbere iyi kipe ya APR VC ihagarariye u Rwanda yari igeze muri iyi mikino ya kimwe cya kabiri (1/2), dore ko indi kipe yabashije kugera kuri uru rwego ari GISAGARA VC yegukanye umwanya wa gatatu muri 2022.
Ikipe ya APR VC isigaje umukino umwe wo guhatanira umwanya wa gatatu izakina kuri uyu Kabiri, ku itariki ya 29 Mata (04) 2025.
@Shumbusho Darius/ Isango Star-Kigali
kwamamaza