#Amatora24: Kuvukira mu buyobozi bwiza ni bimwe mu biyoboye amahitamo yabo

#Amatora24: Kuvukira mu buyobozi bwiza ni bimwe mu biyoboye amahitamo yabo

Urubyiruko rwo mu karere ka Gasabo, mu mujyi wa Kigali, ruvuga ko kuvukira mu maboko meza y'ubuyobozi bwiza bwa FPR-Inkotanyi na Paul Kagame, basanga nta mpamvu yababuza gutora Kagame ku mwanya wa Perezida ndetse n'abadepi ba FPR, kuko bifuza gukomeza kwibera mu gihugu gifite imiyoborere myiza.

kwamamaza

 

Ibi byagarutsweho ubwo abaturage bagera ku bihumbi 18 bo mu karere ka Gasabo bari bahuriye kuri Sitade ya ULK iherereye mu murenge wa Gisozi, mu gikorwa cyo kwamamaza abakandida-depite ba FPR-Inkotanyi ndetse na Paul Kagame nk’umukandida wayo ku mwanya wa Perezida.

Abarimo urubyiruko bavuga ko baterwa ishema no kuba baravutse basanga igihugu kiri mu maboko meza y'ubuyobozi bwiza bwa FPR,bityo ngo gahunda ntayindi ni ukuguma muri ayo maboko meza,binyuze mu gutora Paul Kagame ku mwanya wa Perezida ndetse n'abadepi ba FPR-Inkotanyi.

Umwe yagize ati: “nkimara kuvuka ngasanga Paul Kagame ayoboye igihugu cyacu byaranshimishije bitewe nuko mbona akora ibikorwa byiza, yita ku baturage, umuturage wese ufite ikibazo aramwegera kandi ntawe uvuga ikibazo cye ngo amwumvire ubusa; ako kanya ahita agikemura.”

Yongeraho ko “abadepite ba RPF-Inkotanyi baba babereye kuri terrain umukuru w’igihugu kuko nibo tugezaho ibibazo bwa mbere, bo bakabijyana bakabigeza ku mukuru w’igihugu noneho icyo kibazo kikabona uko gikemuka. Ntawutamutora kuko uriya Musaza arakomeye kandi turamukunda cyane.”

Undi ati: “ Navutse nsanga habayeho jenoside yakorewe abatutsi kuko navutse nyuma ya jenoside. Ariko ndashima Imana yaduhaye ubuyobozi bwiza, ikaduha kuvukira mu maboko y’umukuru w’igihugu mwiza dufite  kugeza uyu munsi. Ibyo duhitamo turabizi kuko dufite ubuyobozi bwiza, ninayo mpamvu tubigaragaza mu bikorwa, mu marangamutima yacu. Nzatora Paul Kagame n’abadepite ba RPF-Inkotanyi.”

Karemera Francis wari uhagarariye site yo kwiyamamaza ya Gisozi mu karere ka Gasabo, yijeje urubyiruko ndetse n'abaturage muri rusange, ko ntawakongera gusubiza igihugu ahantu habi. Abasaba gufatanya na FPR-Inkotanyi gukomeza kuzamura iterambere ryacyo,bagatora umukandida wayo, Paul Kagame ndetse n'abadepite bayo mu matora yo kuya 15 Nyakanga (07).

Ati: “muri iyi myaka 5 iri imbere, amashanyarazi tuzagera ku 100% mu gihugu hose. Amazi ni 100% mu gihugu hose. Ubukungu bw’u Rwanda buzaba bushingiye ku ishoramari, ububanyi n’ibindi bihugu n’imikoranire myiza ariko tutibagiwe n’ikoranabuhanga rigenda riherekeje serivise zose. Tora FPR-Inkotanyi; umuturage agume ku isonga.”

Muri Manda y'imyaka irindwi ishize ya FPR-Inkotanyi na Paul Kagame, ari nawe mukandida wayo ku mwanya wa Perezida, mu byo kwagura ububanyi n'amahanga, u Rwanda rwazamuye ambasade zarwo zikorera mu bihugu by'amahanga ziva kuri 34 mu 2017, zigera kuri 48.

Ni mu gihe mu 2017, ambasade zakoreraga mu gihugu zari 29 ariko zarazamutse zigera kuri 44 muri uyu mwaka w’ 2024.

@Djamali Habarurema/Isango Star-Gasabo-Kigali.

 

kwamamaza

#Amatora24: Kuvukira mu buyobozi bwiza ni bimwe mu biyoboye amahitamo yabo

#Amatora24: Kuvukira mu buyobozi bwiza ni bimwe mu biyoboye amahitamo yabo

 Jul 2, 2024 - 09:31

Urubyiruko rwo mu karere ka Gasabo, mu mujyi wa Kigali, ruvuga ko kuvukira mu maboko meza y'ubuyobozi bwiza bwa FPR-Inkotanyi na Paul Kagame, basanga nta mpamvu yababuza gutora Kagame ku mwanya wa Perezida ndetse n'abadepi ba FPR, kuko bifuza gukomeza kwibera mu gihugu gifite imiyoborere myiza.

kwamamaza

Ibi byagarutsweho ubwo abaturage bagera ku bihumbi 18 bo mu karere ka Gasabo bari bahuriye kuri Sitade ya ULK iherereye mu murenge wa Gisozi, mu gikorwa cyo kwamamaza abakandida-depite ba FPR-Inkotanyi ndetse na Paul Kagame nk’umukandida wayo ku mwanya wa Perezida.

Abarimo urubyiruko bavuga ko baterwa ishema no kuba baravutse basanga igihugu kiri mu maboko meza y'ubuyobozi bwiza bwa FPR,bityo ngo gahunda ntayindi ni ukuguma muri ayo maboko meza,binyuze mu gutora Paul Kagame ku mwanya wa Perezida ndetse n'abadepi ba FPR-Inkotanyi.

Umwe yagize ati: “nkimara kuvuka ngasanga Paul Kagame ayoboye igihugu cyacu byaranshimishije bitewe nuko mbona akora ibikorwa byiza, yita ku baturage, umuturage wese ufite ikibazo aramwegera kandi ntawe uvuga ikibazo cye ngo amwumvire ubusa; ako kanya ahita agikemura.”

Yongeraho ko “abadepite ba RPF-Inkotanyi baba babereye kuri terrain umukuru w’igihugu kuko nibo tugezaho ibibazo bwa mbere, bo bakabijyana bakabigeza ku mukuru w’igihugu noneho icyo kibazo kikabona uko gikemuka. Ntawutamutora kuko uriya Musaza arakomeye kandi turamukunda cyane.”

Undi ati: “ Navutse nsanga habayeho jenoside yakorewe abatutsi kuko navutse nyuma ya jenoside. Ariko ndashima Imana yaduhaye ubuyobozi bwiza, ikaduha kuvukira mu maboko y’umukuru w’igihugu mwiza dufite  kugeza uyu munsi. Ibyo duhitamo turabizi kuko dufite ubuyobozi bwiza, ninayo mpamvu tubigaragaza mu bikorwa, mu marangamutima yacu. Nzatora Paul Kagame n’abadepite ba RPF-Inkotanyi.”

Karemera Francis wari uhagarariye site yo kwiyamamaza ya Gisozi mu karere ka Gasabo, yijeje urubyiruko ndetse n'abaturage muri rusange, ko ntawakongera gusubiza igihugu ahantu habi. Abasaba gufatanya na FPR-Inkotanyi gukomeza kuzamura iterambere ryacyo,bagatora umukandida wayo, Paul Kagame ndetse n'abadepite bayo mu matora yo kuya 15 Nyakanga (07).

Ati: “muri iyi myaka 5 iri imbere, amashanyarazi tuzagera ku 100% mu gihugu hose. Amazi ni 100% mu gihugu hose. Ubukungu bw’u Rwanda buzaba bushingiye ku ishoramari, ububanyi n’ibindi bihugu n’imikoranire myiza ariko tutibagiwe n’ikoranabuhanga rigenda riherekeje serivise zose. Tora FPR-Inkotanyi; umuturage agume ku isonga.”

Muri Manda y'imyaka irindwi ishize ya FPR-Inkotanyi na Paul Kagame, ari nawe mukandida wayo ku mwanya wa Perezida, mu byo kwagura ububanyi n'amahanga, u Rwanda rwazamuye ambasade zarwo zikorera mu bihugu by'amahanga ziva kuri 34 mu 2017, zigera kuri 48.

Ni mu gihe mu 2017, ambasade zakoreraga mu gihugu zari 29 ariko zarazamutse zigera kuri 44 muri uyu mwaka w’ 2024.

@Djamali Habarurema/Isango Star-Gasabo-Kigali.

kwamamaza