Kiny
Eng
Fr
Iminsi irabarirwa ku ntoki APR FC na Rayon Sport zikisobanurira kuri stade mpuzamahanga ya Huye
Uwajeneza Donatha
Jun 1, 2023 - 15:55
Hasigaye amasaha atarenga mirongo ine n'umunani(48) kugira ngo APR FC na Rayon sport zesurane ku mukino wa nyuma w'igikombe cy'Amahoro 2022-2023. N'amakipe yombi yageze ku mukino wa nyuma abikoreye.
kwamamaza
Ikipe ya APR FC yageze ku mukino wa nyuma isezereye ikipe ya Kiyovu Sport muri 1/2 kirangiza, ku giteranyo cy'ibitego bitatu kuri kimwe(3-1) mu mikino yombi ubanza n'uwo kwishyura.
Nimugihe ikipe ya Rayon Sport yageze kur'uyu mukino isezereye ikipe ya Mukura Victory Sport muri 1/2 ku giteranyo cy'ibitego bine kuri bitatu (4-3).
Mbere yuko aya makipe yombi ahura ku mukino uzaba kur'uyu wa gatandatu ku isaha ya saa cyenda, havugwa amakuru atandukanye, cyane cyane mu ikipe ya Rayon sport, dore ko guhera ku gicamunsi cyo kuwa gatatu havugwaga ko abakinnyi b'ikipe ya Rayon sport banze gukora imyitozo kubera amafaranga y'imishahara baberewemo n'ubuyobozi bw'iyi kipe.
Gusa byaje kurangira abakinnyi ba Rayon sport n'abatoza baje kugaragara mu myitozo bakoze ku gicamunsi cyo ku munsi w'ejo ku wa gatatu, aho basanzwe bakorera imyitozo mu nzove.
Mu kiganiro n'itangazamakuru nyuma y'imyitozo, Uwayezu Jean Fidele; Umuyobozi wa Rayon sport,yahumurije abakunzi b'iyi kipe. Ybabwiye ko nta byacitse iri mu ikipe ya Rayon sport, abasaba kwirinda amakuru y'ibihuha agenda akwirakwizwa na bamwe ku mpamvu zimwe na zimwe zabo bwite.
Yanagarutse ku kibazo cy'imishahara y'abakinnyi, avugako gihari gusa nk'ubuyobozi bari gukorera hamwe kugirango gikemuke mugihe cya vuba.
Ku rundi ruhande, ikipe ya APR FC yari imaze iminsi ikorera imyitozo kuri stade yayo ikirenga aho isanzwe icumbitse, n'ayo ikaba yiteguye uyu mukino wishiraniro uzayihuza na mukeba wayo w'ibihe byose 'Rayon sport'.
Icyo abakunzi b'aya makipe yombi bakwiye kumenya nuko aheruka guhurira ku mukino wa nyuma w'igikombe cy'Amahoro mu mwaka w'2018, aho umukino warangiye Rayon sport yegukanye igikombe ku nsinzi y'igitego kimwe ku busa (1-0) cyatsinzwe n'umunya -Mali, Ismailla Diarra.
Inkuru ya Deo Niyomwungeri/Isango Star.
kwamamaza