Haracyasuzumwa uko ibyifuzo by’abanyarwanda ku misoro byasubizwa

Haracyasuzumwa uko ibyifuzo by’abanyarwanda ku misoro byasubizwa

Ubuyobozi bw’Ikigo cy’igihugu gishinzwe imisoro n’amahoro bweretse itangazamakuru uko imisoro n’amahoro bigira uruhare mu ngengo y’imali ndetse n’uburyo buzakoreshwa kugirango yiyongere bivuye mu misoro izava mu bacuruzi batandukanye. Nimugihe bunavuga ko ibyifuzo byatanzwe ku misoro bikiri gusuzumwa.

kwamamaza

 

Mu myaka 8 ishize, ikigo cy’igihugu cy’imisoro n’amahoro cyubatse ubufatanye n’abafatanyabikorwa batandukanye bugamije guteza imbere iyubahirizwa ryo gusora mu kubaka iterambere rirambye ry’igihugu, nk’uko bivugwa na Niyonshuti Robert; komiseri mukuru wa RRA.

Ati: “imikoranire ituma tubasha kumenya icyateza ingorane ku misoro hakiri kare, bityo hagafatwa ingamba zikwiye mu kubyirinda. Iyi mikoranire yatanze umusaruro mwiza mu gukusanya imisoro mu myaka y’ingengo y’imari yatambutse. Umwaka w’ingengo w’imari dushoje wa 2023-2024, ku ntego twihaye yo gukusanya miliyari ibihumbi 2672, twakusanyije miliyari 2619.2 ku musoro n’amahoro bingana na 99.3%. amafaranga yakusanyijwe yiyongereyeho 12.3% ugereranyije uyu mwaka dushoje n’umwaka wawubanjirije. Twabashije guhaza ingengo y’imari, ho 51.2%.”

Ku kibazo cyo kugabanya amande acibwa abasora ari hejuru ndetse n’imisoro ihanitse ku buryo byatuma abasora biyongera ndetse bikongera ingengo y’imari kuburyo birushaho kuzamura ubukungu bw’igihugu, BATAMURIZA Hajara; komiseri ushinzwe imisoro mu gihugu; avuga ko bahawe amahirwe atandukanye aborohereza kwishyura.

Ati: “kwishyura mu gihe cyagenwe batongeye gukererwa ngo ibihano byongere bisubireho kuko iyo abamenyekanishije batishyuye umusoro mu gihe cyawo cy’ayo mahirwe cyatanzwe, ibihano n’inyungu z’ubukererwe bizasubizwaho. Hanyuma bikaba bireba abasora bose. Ubwo rero ibihano bizaba biriho n’inyungu z’ubukererwe aribyo tutifuriza abantu kuba babigwamo.”

NIYONSHUTI Robert, avuga ko ikibazo cy’imisoro iri hejuru kiri gusuzumwa, ati: “ kugira ngo buri muntu wese yisuzume arebe niba hari umusoro atishyuye, awishyure noneho akurirweho ibihano. Bivuze ngo uyu munsi ntawe ukwiye kuvuga ngo ibihano biri hejuru. Ariko ku kibazo cy’umusoro uhanitse, icyo kibazo kirasuzumwa, hari abatureberera iby’amategeko, politiki, abareba ikibitera…barimo gusuzuma kandi muzi gahunda ya leta yatangiye umwaka ushize, aho Perezida wa Repubulika yatanze umurongo wo gusuzuma uko imisoro yagabanywa, uhereye ku misoro y’ubutaka yaragabanyijwe, umusoro ku nyungu muzi ko wavuye kuri 30% ukagera kuri 28%, ibihano nabyo byaravuguruwe biragabanwa. Ni ukuvuga ngo hari ingamba nyinshi kandi nazo zigikomeza…kugira ngo ibifuzo by’abanyarwanda bisubizwe ariko tunihaze mu buryo bw’ingengo y’imari.”

Muri uyu mwaka w’ingengo y’imali wa 2024-2025, hari intego ko iki kigo cy’ imisoro n’amahoro kigomba gukusanya miliyali 361,2 ingana 54% by’ingengo y’imali yose ndetse akava  mu basora barimo utubari ,ama restaura, abacurizi bato n’abaranguza ndetse n’inganda.

Politiki z’ubukungu ni zo zigena uko ayo mafaranga azaboneka ariko bigashakirwa  mu Kigo cy’igihugu cy’imisoro n’amahoro nabo bashyiraho ingamba zizatuma nta nyerezwa ry’imisoro ribaho, kandi gusora bigakorwa ntawe bibangamiye.

@ Emilienne Kayitesi/Isango Star-Kigali.

 

kwamamaza

Haracyasuzumwa uko ibyifuzo by’abanyarwanda ku misoro byasubizwa

Haracyasuzumwa uko ibyifuzo by’abanyarwanda ku misoro byasubizwa

 Jul 4, 2024 - 18:29

Ubuyobozi bw’Ikigo cy’igihugu gishinzwe imisoro n’amahoro bweretse itangazamakuru uko imisoro n’amahoro bigira uruhare mu ngengo y’imali ndetse n’uburyo buzakoreshwa kugirango yiyongere bivuye mu misoro izava mu bacuruzi batandukanye. Nimugihe bunavuga ko ibyifuzo byatanzwe ku misoro bikiri gusuzumwa.

kwamamaza

Mu myaka 8 ishize, ikigo cy’igihugu cy’imisoro n’amahoro cyubatse ubufatanye n’abafatanyabikorwa batandukanye bugamije guteza imbere iyubahirizwa ryo gusora mu kubaka iterambere rirambye ry’igihugu, nk’uko bivugwa na Niyonshuti Robert; komiseri mukuru wa RRA.

Ati: “imikoranire ituma tubasha kumenya icyateza ingorane ku misoro hakiri kare, bityo hagafatwa ingamba zikwiye mu kubyirinda. Iyi mikoranire yatanze umusaruro mwiza mu gukusanya imisoro mu myaka y’ingengo y’imari yatambutse. Umwaka w’ingengo w’imari dushoje wa 2023-2024, ku ntego twihaye yo gukusanya miliyari ibihumbi 2672, twakusanyije miliyari 2619.2 ku musoro n’amahoro bingana na 99.3%. amafaranga yakusanyijwe yiyongereyeho 12.3% ugereranyije uyu mwaka dushoje n’umwaka wawubanjirije. Twabashije guhaza ingengo y’imari, ho 51.2%.”

Ku kibazo cyo kugabanya amande acibwa abasora ari hejuru ndetse n’imisoro ihanitse ku buryo byatuma abasora biyongera ndetse bikongera ingengo y’imari kuburyo birushaho kuzamura ubukungu bw’igihugu, BATAMURIZA Hajara; komiseri ushinzwe imisoro mu gihugu; avuga ko bahawe amahirwe atandukanye aborohereza kwishyura.

Ati: “kwishyura mu gihe cyagenwe batongeye gukererwa ngo ibihano byongere bisubireho kuko iyo abamenyekanishije batishyuye umusoro mu gihe cyawo cy’ayo mahirwe cyatanzwe, ibihano n’inyungu z’ubukererwe bizasubizwaho. Hanyuma bikaba bireba abasora bose. Ubwo rero ibihano bizaba biriho n’inyungu z’ubukererwe aribyo tutifuriza abantu kuba babigwamo.”

NIYONSHUTI Robert, avuga ko ikibazo cy’imisoro iri hejuru kiri gusuzumwa, ati: “ kugira ngo buri muntu wese yisuzume arebe niba hari umusoro atishyuye, awishyure noneho akurirweho ibihano. Bivuze ngo uyu munsi ntawe ukwiye kuvuga ngo ibihano biri hejuru. Ariko ku kibazo cy’umusoro uhanitse, icyo kibazo kirasuzumwa, hari abatureberera iby’amategeko, politiki, abareba ikibitera…barimo gusuzuma kandi muzi gahunda ya leta yatangiye umwaka ushize, aho Perezida wa Repubulika yatanze umurongo wo gusuzuma uko imisoro yagabanywa, uhereye ku misoro y’ubutaka yaragabanyijwe, umusoro ku nyungu muzi ko wavuye kuri 30% ukagera kuri 28%, ibihano nabyo byaravuguruwe biragabanwa. Ni ukuvuga ngo hari ingamba nyinshi kandi nazo zigikomeza…kugira ngo ibifuzo by’abanyarwanda bisubizwe ariko tunihaze mu buryo bw’ingengo y’imari.”

Muri uyu mwaka w’ingengo y’imali wa 2024-2025, hari intego ko iki kigo cy’ imisoro n’amahoro kigomba gukusanya miliyali 361,2 ingana 54% by’ingengo y’imali yose ndetse akava  mu basora barimo utubari ,ama restaura, abacurizi bato n’abaranguza ndetse n’inganda.

Politiki z’ubukungu ni zo zigena uko ayo mafaranga azaboneka ariko bigashakirwa  mu Kigo cy’igihugu cy’imisoro n’amahoro nabo bashyiraho ingamba zizatuma nta nyerezwa ry’imisoro ribaho, kandi gusora bigakorwa ntawe bibangamiye.

@ Emilienne Kayitesi/Isango Star-Kigali.

kwamamaza