Barashima umuhanda Base - Rukomo - Nyagatare woroheje ubuhahirane

Barashima umuhanda Base - Rukomo - Nyagatare woroheje ubuhahirane

Abatuye mu turere twa Gicumbi, Rulindo, Gatsibo na Burera barashimira FPR Inkotanyi ku bikorwaremezo bitandukanye yabegereje mu myaka 30 ishize, by’umwihariko umuhanda Base-Rukomo-Nyagatare bubakiwe muri manda y’imya 7 ishize bayobowe na Paul Kagame nk’umukuru w’Igihugu, bavuga ko woroheje ubuhahirane n’ingendo.

kwamamaza

 

Mu mbwirwa ruhame ze, Paul Kagame uri kwiyamamariza kongera kuba Perezida w’u Rwanda muri manda y’imyaka itanu iri imbere, amaze iminsi yibutsa abanyarwanda ko umuntu yirahira uwamuhaye inka, atirahira uyimusezeranya. Ni imvugo yacengeye benshi biyemeza gushima ibyo Paul Kagame yabagejejeho mu myaka amaze abayobora birimo iterambere ry’ibikorwaremezo.

Abo mu turere dukikije umuhanda Base-Rukomo-Nyagatare, baravuga ko uyu muhanda wabavanye mu bwigunge, ukaborohereza ingendo ndetse n’ubuhahirane n’ibindi bice by’igihugu.

Umwe ati "kujya mu mutara biroroshye, umuhanda ni kaburimbo uva mu mutara ugana i Gicumbi, ni amajyambere". 

Undi ati "ubu turi abahinzi cyane mu murenge wa Buyoga, duhinga ibitunguru, duhinga inyanya kugirango tubigeze hano muri Gicumbi biratworohera cyane kubera umuhanda dukesha Perezida Paul Kagame".  

Paul Kagame, ushimira uruhare abanyarwanda bagize mu kugera kuri byinshi igihugu cyagezeho, avuga ko nta kabuza ibyiza bizakomeza, mu gihe cyose abanyarwanda bakomeje kuba umwe.

Ati "nasanze ibyo twasezeranye ubwo mperuka aha mwarabyujuje ariko reka mbabwire ibyiza kurusha inshuro nyinshi ibyo tugezeho biri imbere".

Muri manda y’imyaka irindwi ishize FPR Inkotanyi yari yateganyije kubaka km 1745 z’imihanda ya kaburimbo hubakwa 1639, mu gihe muri manda yarangiye muri 2017 hari hubatswe km 1305 z’imihanda ya kaburimbo. Hubatswe kandi imihanda y’imigenderano ingana na km 4136, mu gihe muri manda yabanje hari hubatswe km 2,060.

Inkuru ya Gabriel Imaniriho / Isango Star Gicumbi

 

kwamamaza

Barashima umuhanda Base - Rukomo - Nyagatare woroheje ubuhahirane

Barashima umuhanda Base - Rukomo - Nyagatare woroheje ubuhahirane

 Jul 10, 2024 - 09:40

Abatuye mu turere twa Gicumbi, Rulindo, Gatsibo na Burera barashimira FPR Inkotanyi ku bikorwaremezo bitandukanye yabegereje mu myaka 30 ishize, by’umwihariko umuhanda Base-Rukomo-Nyagatare bubakiwe muri manda y’imya 7 ishize bayobowe na Paul Kagame nk’umukuru w’Igihugu, bavuga ko woroheje ubuhahirane n’ingendo.

kwamamaza

Mu mbwirwa ruhame ze, Paul Kagame uri kwiyamamariza kongera kuba Perezida w’u Rwanda muri manda y’imyaka itanu iri imbere, amaze iminsi yibutsa abanyarwanda ko umuntu yirahira uwamuhaye inka, atirahira uyimusezeranya. Ni imvugo yacengeye benshi biyemeza gushima ibyo Paul Kagame yabagejejeho mu myaka amaze abayobora birimo iterambere ry’ibikorwaremezo.

Abo mu turere dukikije umuhanda Base-Rukomo-Nyagatare, baravuga ko uyu muhanda wabavanye mu bwigunge, ukaborohereza ingendo ndetse n’ubuhahirane n’ibindi bice by’igihugu.

Umwe ati "kujya mu mutara biroroshye, umuhanda ni kaburimbo uva mu mutara ugana i Gicumbi, ni amajyambere". 

Undi ati "ubu turi abahinzi cyane mu murenge wa Buyoga, duhinga ibitunguru, duhinga inyanya kugirango tubigeze hano muri Gicumbi biratworohera cyane kubera umuhanda dukesha Perezida Paul Kagame".  

Paul Kagame, ushimira uruhare abanyarwanda bagize mu kugera kuri byinshi igihugu cyagezeho, avuga ko nta kabuza ibyiza bizakomeza, mu gihe cyose abanyarwanda bakomeje kuba umwe.

Ati "nasanze ibyo twasezeranye ubwo mperuka aha mwarabyujuje ariko reka mbabwire ibyiza kurusha inshuro nyinshi ibyo tugezeho biri imbere".

Muri manda y’imyaka irindwi ishize FPR Inkotanyi yari yateganyije kubaka km 1745 z’imihanda ya kaburimbo hubakwa 1639, mu gihe muri manda yarangiye muri 2017 hari hubatswe km 1305 z’imihanda ya kaburimbo. Hubatswe kandi imihanda y’imigenderano ingana na km 4136, mu gihe muri manda yabanje hari hubatswe km 2,060.

Inkuru ya Gabriel Imaniriho / Isango Star Gicumbi

kwamamaza