Abakoresha umuhanda Base-Rukomo-Nyagatare barashima ko bakuwe mu bwigunge!

Abakoresha umuhanda Base-Rukomo-Nyagatare barashima ko bakuwe mu bwigunge!

Abaturage bakoresha umuhanda Base-Rukomo-Nyagatare barishimira ko wabaruhuye kugenda n’amaguru ndetse bakaba babasha no gukora ubucuruzi. Ni nyuma yaho minisitiri w’intebe Dr. Ngirente atangaje ko hubatswe imihanda ifite km 1600 ihuza uturere izafasha mu buhahirane no gutwara abantu n’ibintu.

kwamamaza

 

Minisitiri w’intebe Dr. Edouard NGIRENTE yabigaragaje mu nama y’igihugu y’umushyikirano ku nshuro ya 19, hagaragazwa ibyo u Rwanda rwagezemo mu myaka 7, mu nkingi eshatu zirimo ubukungu, imibereho myiza n’imiyoborere myiza.

Icyo gihe yavuze ko “mu bijyanye n’ibikorwaremezo, mu rwego rwo gukomeza gutunganya ibikorwaremezo byadufasha mukoroshya ubuhahirane no gutwara abantu n’ibintu, hubatswe imihanda ya kaburimbo ihuza uturere dutandukanye ifite uburebure bwa kilometero 1 600. Muri iyo mihanda rero iy’ingenzi abanyarwanda barayizi kuko niyo yagiye igabanya ubwigunge ikoroshya ubuhahirane. Harimo nk’umuhanda wa Base-Rukomo-Nyagatare, Kagitumba-Kayonza-Rusumo, Ngoma-Bugesera-Nyanza, Huye –Kibeho  n’umuhanda wa Pidura-Bweyeye.”

Abaturage bakoresha umuhanda Base-Rukomo-Nyagatare bavugako uyu muhanda wabaruhuye kugenda n’amaguru,  aho ubu bakora n’ubucuruzi bakoresheje uyu muhanda.

Bamwe  muribo baganiriye nIsango Star, umwe yagize ati: “Ibibazo byabagamo n’uko umuntu yanyuragamo harimo umuhanda w’igitaka noneho umuntu akagenda ari kuvuganurika.”

Undi ati: “ ibibazo byari bihari se, kugenda n’amaguru byo byari byoroshye! Byari ibibazo, umuntu akagenda akamara iminsi ingahe mu nzira, ariko ubu ntabwo tukivunika.”

“ikibazo twahuraga nacyo mu gukoresha umuhanda, wari ibitaka, nta modoka zari zirimo. Nko kurangura ibintu epfo iyi i Gatsibo biratworohera cyane, cyangwa Nyagatare...gukurayo imizigo ukayizana inaha i Gicumbi biratworohera cyane, nta kibazo.”

UWERA Parfaite; Umuyobozi w’agateganyo w’akarere ka Gicumbi, avugako Kuba uyu muhanda warubatswe ari amahirwe y’ishoramari.

Ati:“ iyo umuhanda uje ni amahirwe akomeye yo kuhabona amazu y’ubucuruzi azamuka, ni amahirwe kuhabona station za essence zizamuka...rero ni amahirwe akomeye ku bukungu bw’akarere by’umwihariko ariko n’abandi bashobora kuhabona amahirwe mu by’iterambere, icyo ni kimwe.”

“ikindi ni ubuhahirane ariko no kubona aho abaturage bagurisha umusaruro ku buryo bworoshye. Akarere ka Gicumbi ni akarere gafite umukamo uri hejuru w’amata.”

Muri gahunda y’igihugu yo kwihutisha iterambere NTST1 mu bikorwaremezo, u Rwanda rwari rwihaye kuzubaka imihanda ifite km 3 000 ariko iki gipimo cyararenze kuko hubatswe imihanda ihuza uturere ifite uburebure km 1 600, imihanda yubatswe mu mujyi wa Kigali ifite uburebure bwa km 237,hirya no hino mu gihugu hubatswe kandi hasanwa imihanda y’imihahirano ifite km 3 700.

@ Vestine Umurerwa/Isango Star-Kigali.

 

kwamamaza

Abakoresha umuhanda Base-Rukomo-Nyagatare barashima ko bakuwe mu bwigunge!

Abakoresha umuhanda Base-Rukomo-Nyagatare barashima ko bakuwe mu bwigunge!

 Feb 1, 2024 - 14:44

Abaturage bakoresha umuhanda Base-Rukomo-Nyagatare barishimira ko wabaruhuye kugenda n’amaguru ndetse bakaba babasha no gukora ubucuruzi. Ni nyuma yaho minisitiri w’intebe Dr. Ngirente atangaje ko hubatswe imihanda ifite km 1600 ihuza uturere izafasha mu buhahirane no gutwara abantu n’ibintu.

kwamamaza

Minisitiri w’intebe Dr. Edouard NGIRENTE yabigaragaje mu nama y’igihugu y’umushyikirano ku nshuro ya 19, hagaragazwa ibyo u Rwanda rwagezemo mu myaka 7, mu nkingi eshatu zirimo ubukungu, imibereho myiza n’imiyoborere myiza.

Icyo gihe yavuze ko “mu bijyanye n’ibikorwaremezo, mu rwego rwo gukomeza gutunganya ibikorwaremezo byadufasha mukoroshya ubuhahirane no gutwara abantu n’ibintu, hubatswe imihanda ya kaburimbo ihuza uturere dutandukanye ifite uburebure bwa kilometero 1 600. Muri iyo mihanda rero iy’ingenzi abanyarwanda barayizi kuko niyo yagiye igabanya ubwigunge ikoroshya ubuhahirane. Harimo nk’umuhanda wa Base-Rukomo-Nyagatare, Kagitumba-Kayonza-Rusumo, Ngoma-Bugesera-Nyanza, Huye –Kibeho  n’umuhanda wa Pidura-Bweyeye.”

Abaturage bakoresha umuhanda Base-Rukomo-Nyagatare bavugako uyu muhanda wabaruhuye kugenda n’amaguru,  aho ubu bakora n’ubucuruzi bakoresheje uyu muhanda.

Bamwe  muribo baganiriye nIsango Star, umwe yagize ati: “Ibibazo byabagamo n’uko umuntu yanyuragamo harimo umuhanda w’igitaka noneho umuntu akagenda ari kuvuganurika.”

Undi ati: “ ibibazo byari bihari se, kugenda n’amaguru byo byari byoroshye! Byari ibibazo, umuntu akagenda akamara iminsi ingahe mu nzira, ariko ubu ntabwo tukivunika.”

“ikibazo twahuraga nacyo mu gukoresha umuhanda, wari ibitaka, nta modoka zari zirimo. Nko kurangura ibintu epfo iyi i Gatsibo biratworohera cyane, cyangwa Nyagatare...gukurayo imizigo ukayizana inaha i Gicumbi biratworohera cyane, nta kibazo.”

UWERA Parfaite; Umuyobozi w’agateganyo w’akarere ka Gicumbi, avugako Kuba uyu muhanda warubatswe ari amahirwe y’ishoramari.

Ati:“ iyo umuhanda uje ni amahirwe akomeye yo kuhabona amazu y’ubucuruzi azamuka, ni amahirwe kuhabona station za essence zizamuka...rero ni amahirwe akomeye ku bukungu bw’akarere by’umwihariko ariko n’abandi bashobora kuhabona amahirwe mu by’iterambere, icyo ni kimwe.”

“ikindi ni ubuhahirane ariko no kubona aho abaturage bagurisha umusaruro ku buryo bworoshye. Akarere ka Gicumbi ni akarere gafite umukamo uri hejuru w’amata.”

Muri gahunda y’igihugu yo kwihutisha iterambere NTST1 mu bikorwaremezo, u Rwanda rwari rwihaye kuzubaka imihanda ifite km 3 000 ariko iki gipimo cyararenze kuko hubatswe imihanda ihuza uturere ifite uburebure km 1 600, imihanda yubatswe mu mujyi wa Kigali ifite uburebure bwa km 237,hirya no hino mu gihugu hubatswe kandi hasanwa imihanda y’imihahirano ifite km 3 700.

@ Vestine Umurerwa/Isango Star-Kigali.

kwamamaza