Kiny
Eng
Fr
Urugendo rwa Carlos Henrique Casimiro muri Manchester United ruri kugana ku musozo.
SHUMBUSHO Darius
Jan 22, 2026 - 21:05
Umunya-brazil ukinira ikipe ya Manchester United Carlos Henrique Casimiro yatangaje ko atazakomezanya n'iyikipe ubwo uyu umwaka w'imikino 2025/26 uzaba urangiye
kwamamaza
Ikipe ya Manchester United yemeje ko umukinnyi wayo ukina mu kibuga hagati w’Umunya-Brazil casimiro ufite imyaka 33 azatandukana nayo igihe amasezerano ye azaba arangiye ku mpera z’uyu mwaka w’imikino. Ibi yabitangaje nyuma yaho casimiro yari yabanje kubitangaza abicishije ku mbugankoranyambaga ze.
Yagize ati: Manchester United nzayitwara mu buzima bwanjye bwose. Ku munsi wa mbere nkigera muri iyi sitade nziza, numvise ishyaka rya Old Trafford n’urukundo mfitiye iyi kipe idasanzwe, nk’uko n’abafana bayikunda. Si igihe cyo gusezera; hari andi mateka menshi agomba kwandikwa mu mezi ane ari imbere. Haracyari byinshi byo guharanira hamwe, kandi nk’ibisanzwe, intego yanjye yose ni ugutanga imbaraga zanjye zose kugira ngo mfasha iyi kipe gutsinda.”
Casemiro yinjiye muri Manchester United mu mpeshyi ya 2022 avuye muri Real Madrid ku mafaranga angana na miliyoni 70 z’amapawundi (£70m) Mu gihe yaramaze muri United, Casemiro yegukanye igikombe cya League Cup n’icya FA Cup.
Ibyo bikombe yatsindiye mu Bwongereza ni bike ugereranyije n’ibyo yegukanye mu myaka icyenda yamaze muri Real Madrid ku kibuga cya Santiago Bernabéu, aho yatwaranye ibikombe bitatu bya shampiyona, Copa del Rey imwe, ndetse na Champions League eshanu.
Ku rwego mpuzamahanga, Casemiro amaze gukinira ikipe y’igihugu ya Brazil imikino 82 kandi yitabiriye amarushanwa abiri y’Igikombe cy’Isi.
Kuri ubu, Manchester United iri ku mwanya wa gatanu ku rutonde rwa shampiyona n’amanota 35, irushwa inota rimwe na Liverpool. United izasubira mu kibuga ku Cyumweru, aho izasura Arsenal iyoboye urutonde rwa shampiyona.
kwamamaza