Kiny
Eng
Fr
Rayon Sports yakoze imyitozo ya nyuma yitegura Mukura victory Sports
SHUMBUSHO Darius
Jan 23, 2026 - 15:34
Kuri uyu wa gatanu ikipe ya Rayon Sports yakoze imyitozo ya nyuma itegura umukino izahuramo na Mukura victory Sports kuri uyu wa gatandatu kuri sitade ya muhanga.
kwamamaza
Ikipe ya Rayon Sports yakoze imyitozo ya nyuma yo kwitegura umukino izahuramo n'ikipe ya Mukura victory Sports, mu mukino usoza imikino ibanza (phase one) ya Rwanda premier league abakinnyi bayobowe n'umutoza Bruno ferry bitabiriye imyitozo yo kuri uyu wa gatanu mbere yo kwerekeza mu karere ka Muhanga ahazabera uyu mukino, imyitozo yaranzwe n'imikinire iyi kipe izakoresha kuri uyu mukino.
Ikipe ya Rayon Sports igiye gukina uyu mukino imaze iminsi ititwara neza kuko imaze imikino itatu itabonamo intsinzi, muri iyi mikino yatsinzwe na Apr fc mu mukino w'igikombe gisumba ibindi mu Rwanda (super cup), yakutikijeho gutsindwa na al hilal naho umukino wa gatatu inganya na Al merrikh sc, uyu mukino hagati ya mukura na Rayon Sports uzaba ikipe ya Gikundiro, ishaka gusoza igice cya mbere cya shampiyona itsinda.
Mukura victory ni imwe mu makipe akunze kugora ikipe ya Rayon Sports mu gihe bahuye, kuko mu mwaka w'imikino washize 202/25 ikipe ya Rayon Sports ntiyigize itsinda mukura victory Sports mu mikino ya shampiyona kuko umukino ubanze, ikipe yambara umukara n'umuhondo yatsinze Rayon Sports igitego k'imwe kubusa bwa murera, umukino wo kwishyura Rayon Sports yaringeye itsindwa na mukura victory Sports ibitego 2-1 mu mukino wabereye i huye.
Uyu mukino uraza kuba ari umukino wa gatandatu w'umutoza Bruno ferry utoza Rayon Sports kuko amaze gutoza imikino itanu, amaze gutsinda umukino umwe, akanganya imikino ibiri naho amaze gutsindwa imikino ibiri, ikipe ya Rayon Sports iri ku mwanya wa 9 n'amanota 25 aho irushwa na mukura victory Sports inota rimwe iri ku mwanya wa 6.
kwamamaza