Manchester United yatsinze Arsenal ibitego 3-2 mu mukino w’Umunsi wa 23 wa Shampiyona y’u Bwongereza, premier league iba ikipe ya mbere itsindiye Arsenal ku kibuga cyayo (Emirates stadium) muri uyu mwaka w'imikino 2025/26.

kwamamaza

Umukino wabereye kibuga cya Emirates Stadium, ikipe ya Manchester United yatsinze Arsenal ibitego 3 kuri 2 mu mukino w’ishiraniro wabereye imbere y’abafana benshi ba Gunners. Uyu mukino wari urimo guhangana gukomeye, impinduka nyinshi n’ibitego byaje mu bihe bikomeye by’umukino.

Umukino watangiye ikipe ya Arsenal iri kotsa igitutu Manchester United ntibyayitindiye kobona igitego kuko yafunguye amazamu ku munota wa 29" ku gitego cyitsinzwe ku ruhande rwa Manchester United (own goal) na Lisandro Martínez, cyatewe n’igitutu gikomeye cy’abakinnyi ba Arsenal. Icyakora, United ntiyatinze kwishyura kuko nayo yageragezaga uburyo bwo gushaka igitego maze ku munota wa 37" Bryan Mbeumo atsinda igitego cyo kwishyura, agarura United mu mukino. Igice cya mbere cyarangiye amakipe yombi anganya 1–1.

Mu gice cya kabiri, umukino warushijeho kurangwa nishyaka ku mande zombi maze ikipe ya United yongera gutanga ubutumwa kuri Arsenal ko umukino utari buworohere ku munota wa 50" umusore wa Manchester patrick dorgu watsinze igitego cya kabiri kw'ishoti yatereye inyuma y'urubuga rw'umuzamu wa Arsenal maze cyiba igitego cya kabiri, gusa ubwo umukino waganaga ku musozo umukino wahinduye isura maze ku munota wa 84", Mikel Merino atsinda igitego cya kabiri cya Arsenal, bituma abafana babo bongera kwizera intsinzi.

Icyakora ibyishimo bya Arsenal ntibyamaze igihe kinini. Ku munota wa 87, Matheus Cunha yatsinze igitego cya gatatu cya Manchester United, gihindura umukino mu minota ya nyuma, United warangiye ari ibitego 2 bya Arsenal kuri 3 Manchester United intsinzi y’ingenzi kuri Manchester United, nyuma yuyu mukino Arsenal yagumye ku mwanya wa mbere n’amanota 50 irusha Manchester City ya kabiri na Aston Villa ya gatatu amanota ane naho Manchester United ifata umwanya wa kane n’amanota 38, Uyu mukino kandi wabaye uwa mbere Arsenal itsindiwe mu rugo ku nshuro ya mbere muri uyu mwaka w’imikino wa 2025/26.