Kiny
Eng
Fr
AMAGARE: Hateguwe Heroes Cycling Cup 2026
SHUMBUSHO Darius
Jan 23, 2026 - 10:37
Ishyirahamwe ry'umukino wo gusiganwa ku magare (FERWACY) ku bufatanye na CHENO (Urwego rushinzwe Intwari z'Igihugu,Imidari n'Impeta by'Ishimwe Intwari z'u Rwanda) bateguye isiganwa ngaruka mwaka “Heroes Cycling Cup 2026”.
kwamamaza
Kuri uyu wa Gatandatu, FERWACY ku bufatanye na CHENO (Urwego rushinzwe Intwari z'Igihugu,Imidari n'Impeta by'Ishimwe Intwari z'u Rwanda) bateguye isiganwa ngaruka mwaka “Heroes Cycling Cup 2026”.
Iri rusiganwa ni nkaruka mwaka rizitabirwa mu byiciro bitanduka mu banyonzi, Mu bagabo na U23 abasiganwa bazahagurukira: Shyorongi – Base – Gicumbi – Nyacyonga – Batsinda ku ntera ya Km 154, Mu bagore, u23 n’ingimbi, bo bazahagurukira Nyarangama basoreze Gasanze ku ntera ya Km 145, Abangavu bazahagurukira mu Miyove ya Gicumbi basoreze Gasanze ku ntera ya Km 85,Isiganwa rizatangira 10h.
Nkundabera Eric mu bagabo, Nirere Xaverine mu bagore, Tuyipfukamire Aphrodis mu ngimbi na Masengesho Yvonne mu bangavu nibo begukanye Heroes Cycling Cup 2025 yasorejwe kuri BK Arena.
Ni ku nshuro ya 32 hagiye kwizihizwa umunsi w’itwari, ukazihizwa tariki ya 1 Gashyantare 2026.
Insanganyamatsiko: Ubutwari bw’Ubumwe bw’Abanyarwanda, Inkingi z’Iterambere.
kwamamaza